ڈیرہ اسماعیل خان(نمائندہ خبریں ) پاکستان مرکزی مسلم لیگ ڈیرہ کے زیر اہتمام دفاع حرمین شریفین حوثی دہشتگردانہ حملوں کیخلاف احتجاجی ریلی جی پی او چوک تا توپانوالہ چوک نکالی گئی۔ریلی میں مرکزی جمعیت اہلحدیث،اتحاد الائمہ والخطبا،فشریز یونین اور تاجر رہنمائوںحاجی خالد ناز ،محمود خان خروٹی و دیگر نے شرکت کی، مظاہرین نے بینرز اور کتبے اٹھا رکھے تھے۔پاکستا ن مرکزی مسلم لیگ ڈیرہ کے صدر چوہدری قمر محمد رمضان نے کہا مکہ مکرمہ اور مدینہ طیبہ سے ہمارا روحانی رشتہ ہے یہ عالم اسلام کے روحانی مراکز ہیں اور پاکستان عالم اسلام کا دفاعی مرکز ہے۔ہم حرمین شریفین کے دفاع کے لئے پاک افواج ،ترکیہ اور سعودی عرب کے ساتھ ہیں۔حرمین شریفین کے دفاع کے لئے ہمارا تن من دھن ہر چیز حاضر ہے ہم اس سے غافل نہیں رہ سکتے۔جنرل سیکرٹری پاکستان مرکزی مسلم لیگ ڈیرہ ڈویژن مقصود حسین سندھو نے ریلی سے خطاب کرتے ہوئے کہا حرمین شریفین ہمارا دل ہے ہماری جان ہے اور سے محبت ہماری پہچان ہے۔حرمین شریفین کے دفاع کے لئے ہماری جان،ہمارا مال ،ہماری اولاد اور دنیا جہان کی ہر چیز قربان ہے۔ہر قیمت پر ہم نے حرمین شریفین کے تحفظ کی قسم کھائی ہے۔ہم مکہ معاہدے کے پاسدار اور وفادار ہیں۔ ریلی سے مرکزی جمعیت اہلحدیث ڈیرہ اسماعیل خان کے امیر راجہ اختر محمدی،اتحاد الائمہ والخطبا کے جنرل سیکرٹری مولانا عصمت اللہ،اتحاد الائمہ والخطبا کے امیر محمد فلک شیر صدیقی،فشریز یونین کے صدر گل خان،تاجر رہنما حاجی خالد ناز ،پاکستان مرکزی مسلم لیگ جنوبی وزیرستان کے جنرل سیکرٹری مفتی قاری محمد یٰسین وزیر ،پاکستان مرکزی مسلم لیگ ڈیرہ کے نائب صدر سہیل عمران مانگٹ نے بھی خطاب کیا۔اور یوں توپانوالا چوک پر مقررین کے خطاب کے بعد ریلی کا اختتام ہوا۔
