ماہرہ خان کا ڈراما مٹی دے باوے بلوکے کرادر سے متعلق جذباتی پیغام

لاہور(شوبزڈیسک)معروف پاکستانی اداکارہ ماہرہ خان نے ڈراما مٹی دے باوے کے پریمیئر سے قبل ہدایت کار وجاہت حسین کے لیے جذباتی پیغام جاری کرتے ہوئے ڈرامے میں ان کے کام اور کردار بلو کو تشکیل دینے پر شکریہ ادا کیا ہے۔فائزہ افتخار کی تحریر اور وجاہت حسین کی ہدایت کاری میں بننے والے اس ڈرامے میں ماہرہ خان اور وہاج علی پہلی مرتبہ ایک ساتھ اسکرین پر نظر آئیں گے۔ماہرہ خان نے ڈرامے کے سیٹ سے ہدایت کار وجاہت حسین اور اداکار وہاج علی کے ساتھ ایک پسِ پردہ تصویر شیئر کی اور ہدایت کار کو مخاطب کرتے ہوئے لکھا، آپ کو بلو پر یقین تھا اور آپ اسے مجھ سے کہیں زیادہ جانتے تھے۔ اداکارہ نے اپنے پیغام کے اختتام پر لکھا، ہمیشہ محبت کے ساتھ، آپ کی بلو۔وجاہت حسین نے ماہرہ خان کا پیغام اپنی انسٹاگرام اسٹوری پر دوبارہ شیئر کرتے ہوئے کہاکہ ان کے الفاظ نے ان کے دل کو واقعی چھو لیا۔ہدایت کار نے ماہرہ خان اور وہاج علی کے ساتھ کام کرنے کے تجربے کو ایک یادگار سفر قرار دیا، جسے وہ ہمیشہ قدر کی نگاہ سے دیکھیں گے۔