ساہیوال ( نمائندہ خبریں) گول چکر کے قریب نجی ہسپتال میں زچگی کے دوران مبینہ غفلت کے باعث 23 سالہ خاتون اور اس کا نومولود بچہ جاں بحق،لواحقین نے ہسپتال کے باہر احتجاج کرتے ہوئے ذمہ داران کے خلاف کارروائی کا مطالبہ کیا ہے ، لواحقین کا ہسپتال کے باہر شدیداحتجاج اور روڈ کو بلاک کر دیا پولیس نے مو قع پر پہنچ کر ہسپتال کے مالک کو گرفتار کر لیا۔ساہیوال میں گول چکر کے قریب واقع نجی ہسپتال میں زچگی کے دوران مبینہ غفلت کا افسوسناک واقعہ پیش آیا،گاؤں 70فور کی 23 سالہ شمیم بی بی اور اس کا نومولود بچہ جاں بحق ہوگئے،لواحقین کے مطابق شمیم بی بی پہلے سے دو سالہ بچے کی ماں تھی، تاہم زچگی کے دوران ماں اور بچے دونوں کی موت واقع ہوگئی۔لواحقین نے ہسپتال کے باہر احتجاج کیا اور ہسپتال عملے پر مبینہ غفلت کا الزام عائد کرتے ہوئے ذمہ داران کے خلاف کارروائی کا مطالبہ کیا۔مذکورہ نجی ہسپتال میں اس سے قبل بھی مبینہ طور پر ایسے واقعات پیش آچکے ہیں محکمہ صحت نے اس معاملے پر مکمل چشم پوشی اختیار کر رکھی ہے اور ان کی مکمل پشت پناہی کررہے ہیں متا ثرین نے کمشنر ساہیوال اور ڈپٹی کمشنر ساہیوال سے داد رسی کا مطالبہ کیا ہے۔
