راولپنڈی(آئی این پی )راولپنڈی گرجا روڈ پر نجی سکول میں دوسری جماعت کی 8 سالہ طالبہ سے مبینہ نازیبا حرکات پر پولیس نے بچی کے والد کی شکایت پر سکول کے چوکیدار اور پرنسپل کو حراست میں لے لیا۔واقعہ تھانہ دھمیال کے علاقے میں پیش آیا،متاثرہ بچی کے والد کے مطابق بیٹی نے 21 ستمبر کو سکول میں مبینہ نازیبا حرکات کی شکایت کی۔والدکاموقف ہے کہ سکول انتظامیہ سے رابطہ کیاگیاتاہم مبینہ طور پر بعض سی سی ٹی وی فوٹیجز غائب کرکے واقعہ چھپانے کی کوشش کی گئی۔پولیس حکام کے مطابق والد کی درخواست پرمتاثرہ طالبہ کا میڈیکل کرایا جا رہا ہے،جبکہ اسکول کے چوکیدار رفیق اور پرنسپل محمد آصف کو حراست میں لے کر تمام پہلوئوں سے تفتیش کی جا رہی ہے۔پولیس کاکہنا ہے کہ شواہد اور بیانات کی روشنی میں قانونی کارروائی عمل میں لائی جائے گی،تفتیش مکمل ہونے کے بعد واقعے کے حقائق سامنے آئیں گے۔
