افغان صوبے پکتیا کی مسجد میں خودکش دھماکا، 20 افراد ہلاک، 40 زخمی

کابل(ویب ڈیسک) افغان صوبے پکتیا کے شہر گردیز کی ایک مسجد میں خودکش دھماکے کے نتیجے میں 20 افراد ہلاک جبکہ 40 زخمی ہوگئے۔ پکتیا کے پولیس چیف راز محمد مندوزئی نے ہلاکتوں میں اضافے کا خدشہ ظاہر کیا ہے۔ گردیز کی مسجد میں دھماکااُس وقت ہوا، جب وہاں نماز جمعہ ادا کی جارہی تھی تاہم ابھی تک واقعے کی ذمہ داری کسی گروپ کی جانب سے قبول نہیں کی گئی۔