ایشیا کپ: تمیم کی ایک ہاتھ سے بیٹنگ، مشفیق نے سنچری داغ دی

بئی(ویب ڈیسک) ایشیا کپ کے پہلے میچ میں بنگلہ دیش نے سری لنکا کو جیت کے لیے 262 رنز کا ہدف دے دیا۔بنگلہ دیشی کپتان مشرفی مرتضی نے ٹاس جیت کر بیٹنگ کرنے کے فیصلے کے بعد اننگز کا آغاز لٹن داس اور تمیم اقبال نے کیا لیکن سری لنکا کے بالر ملنگا کے پہلے ہی اوور میں 2 کھلاڑی پویلین لوٹ گئے۔ملنگا نے لٹن داس اور شکیب الحسن کو آﺅٹ کیا اور دونوں ہی کھلاڑی بغیر کوئی رن بنائے پویلین لوٹ گئے۔بنگلہ دیشی اوپنر تمیم اقبال زخمی ہونے کے باعث گراو¿نڈ سے باہر چلے گئے جس کے بعد آنے والے کھلاڑی محمد متھن اور مشفیق الرحیم نے 131 رنز کی پارٹنر شپ ہوئی۔ 134 مجموعی اسکور پر محمد متھن 63 رنز بناکر آﺅٹ ہوئے جب کہ محمود اللہ اور مصدق حسین ایک ایک رنز بناکر پویلین لوٹے۔بنگہ دیش کی جانب سے مشفیق الرحیم نے شاندار بیٹنگ کی اور 144 رنز بناکر نمایاں رہے جب کہ ان کی شاندار بیٹنگ کی بدولت بنگلہ دیش نے سری لنکا کو 262 رنز کا ہدف دیا ہے۔بنگلہ دیش کے اوپنر تمیم اقبال کلائی کے فریکچر کے باوجود آخری نمبر پر کھیلنے آئے اور ایک ہاتھ سے بیٹنگ کرتے رہے۔ سری لنکا کی جانب سے لیستھ ملنگا نے 4، ڈی سلوا نے 2، لکمل، اپونسو اور پریرہ نے ایک ایک وکٹ حاصل کی۔
تمیم اقبال ٹورنامنٹ سے آﺅٹ
بنگلہ دیشی سلیکٹر کے مطابق تمیم اقبال کو سری لنکا کے خلاف بیٹنگ کرتے ہوئے بائیں ہاتھ پر گیند لگی جس سے اُن کی انگلی میں فریکچر ہوا ہے۔بنگلادیشی سلیکٹر کا کہنا ہے کہ ڈاکٹرز کا تمیم اقبال کو 6 ہفتے کے لیے آرام کا مشورہ دیا ہے جس کے بعد وہ ایشیا کپ ٹورنامنٹ سے آﺅٹ ہوگئے ہیں۔بنگلہ دیشی اسکواڈ کی قیادت مشرفی مرتضیٰ کر رہے ہیں جب کہ دیگر کھلاڑیوں میں تمیم اقبال، لٹن داس، شکیب الحسن، مشفیق الرحیم، محموداللہ، محمد متھن، مصدق حسین، مہدی حسن مرزا، روبیل حسین اور مستفیض الرحمن پر مشتمل ہے۔ سری لنکا ٹیم کی قیادت اینجلیو میتھیوز کررہے ہیں اور دیگر اسکواڈ میں اپل تھرنگا، دھننجیا ڈی سلوا، کوسال پریرہ، کوسال مینڈس، لیستھ ملنگا، سرنگا لکمل، امیلا اپونسو، دلرووان پریرہ، تھسارہ پریرہ اور دسون شانکا شامل ہیں۔