ہاکی کی تباہی کی ذمہ دار سابق اولمپینز:ریحان بٹ

لاہور(سپورٹس رپورٹر) ہاکی فیڈریشن کے عہدیداروں نے سابق اولمپئنز کے گروپ کو قومی کھیل کی تباہی کا ذمہ دار قرار دے دیا۔لاہور میں پریس کانفرنس کرتے ہوے کوچ ریحان بٹ کا کہنا ہے کہ ہاکی فیڈریشن پر کرپشن کے الزامات کی وجہ سے نقصان ہوا، سابق اولمپئین نے حکومت کو شک میں ڈال رکھا ہے کہ یہاں کرپشن ہوتی ہے،خالد بشیر جیسے اولمپین آج تنقید کر رہے ہیں جب کہ پی ایچ ایف میں کرپشن کا راگ الاپا جاتا ہے جو حقیقت میں نہیں، ہاکی کے بارے میں سوچا جائے۔اس موقع پر خزانچی اخلاق عثمانی نے کہا کہ فروری میں کانگریس بلانے کا فیصلہ کیا ہے،آڈٹ رپورٹس مکمل ہیں، جس کو شوق ہے ، حسابات چیک کرلے،ایک ایک پائی کا جواب دینے کے لیے تیار ہیں، اخلاق عثمانی نے واضح کیا کہ سوا ارب کے الزامات افسوس ناک ہیں، حکومت نے صرف چون کروڑ گرانٹ دی دوہزار سولہ اور سترہ کا اسپیشل آڈٹ ہوچکا، دوہزار سترہ اور دوہزار اٹھارہ کا آڈٹ بھی مکمل ہوگیا ہے۔گزشتہ روز اسلام آباد میں پریس کانفرنس میں منظورجونئیر، خالد بشیر سمیت پی ایچ ایف کے مخالف گروپ نے فیڈریشن حکام پر مالی بد عنوانیوں کے الزامات لگاتے ہوئے استعفی دینے کا مطالبہ کیا تھا۔