پیرس(ویب ڈیسک) فرانس میں ایک کثیر المنزلہ عمارت میں آگ لگنے سے 8 افراد ہلاک اور 30 زخمی ہوگئے۔بین الاقوامی خبر رساں ادارے کے مطابق فرانس کے دارالحکومت پیرس میں رہائشی اپارٹمنٹ میں آگ بھڑک ا±ٹھی جس کے نتیجے میں 8 افراد بری طرح جھلس کر ہلاک ہوگئے جب کہ 30 زخمی ہیں۔ریسکیو اداروں نے امدادی کاموں کا آغاز کرتے ہوئے ہلاک اور زخمی ہونے والوں کو قریبی اسپتال منتقل کیا جہاں زخمیوں کو طبی امداد فراہم کی گئی۔ 4 زخمیوں کی حالت نازک بتائی جارہی ہے۔فائر بریگیڈ کے عملے کے 250 اراکین نے 10 گھنٹے کی مسلسل کوششوں کے بعد آگ پر قابو پالیا تاہم اس دوران عملے کے 6 اراکین بھی زخمی ہوگئے۔ کسی ممکنہ حادثے بچنے کے لیے ارد گرد کی عمارتوں کو خالی کرا لیا گیا تھا۔پولیس کا کہنا ہے کہ پہلی ترجیح متاثرین کو امداد کی فراہمی ہے جس کے بعد تفتیشی عمل شروع کیا جا سکے گا، ابتدائی طور پرآگ لگنے کی وجہ معلوم نہیں ہو سکی ہے۔آگ نے عمارت کی دو منزلوں کو اپنی لپیٹ میں لے لیا تھا۔
فرانس میں کثیر المنزلہ عمارت میں آتشزدگی سے 8 افراد ہلاک
