سوات(ویب ڈیسک)مسلم لیگ (ن) کے رہنما انجنیئر امیر مقام نے کہا ہے کہ وزیراعلی پرویز خٹک اور تحریک انصاف والے آئندہ کونسلر بھی نہیں بن سکتے لالٹین کا دور بھی گیا اب بجلی آ گئی پیپلزپارٹی بے نظیر کے ساتھ دفن ہو گئی اب خیرپختونخواہ میں مسلم لیگ (ن) ہو گی، سوات میں جلسہ عام سے خطاب کرتے ہوئے امیر مقام نے کہا کہ 2018میں تحریک انصاف ٹکڑے ٹکڑے ہو جائے گی، پرویز خٹک 70نشستیں جتنے کا خواب دیکھ سکتے ہیں مگر تحریک انصاف والے آئندہ کونسلر بھی نہیں بن سکیں گے، انہوں نے کہا کہ وزیراعلیٰ پرویز خٹک نے کرپشن کی انتہا کر دی ہے تحریک انصاف کے اپنے وزارءکی تلاشی سرکاری حکام لے رہے ہیں عمران خان کا کام کنٹینر پر چڑھ کر جھوٹ بولنا ہے، ہم ثابت کریں گے کہ اس صوبے کے عوام تحریک انصاف کے جھوٹے وعدوں پر یقین نیہں رکھتے، انہوں نے کہا کہ مسلم لیگ ن کا ایجنڈا ملک کی ترقی اور استحکام ہے، ہم پورے مالا کنڈ ڈویژن کو اقتصادی راہداری کا حصہ بنائیں گا، نواز شریف جب سوات میں آئین گے تو ان کا اس گرجھوشی سے استقبال ہو گا، جس طرح آج ہوا ہے، انہوں نے کہا کہ پیپلزپارٹی محترمہ کی شہادت کے ساتھ دفن ہو چکی آصف زرداری کو واپس آنے پر خوش آمدید کہتے ہیں مگر وہ گھر بیٹھے ر ہیں تو اچھی بات ہے ورنہ عمران کی طرح جلسوں میں بندے گنتی کرتے رہیں گے، انہوں نے کہا کہ کے پی کے عوام نے لالٹین کا دور بھی دیکھا مگر اب لالٹین کا دور چلا گیا اب بجلی آگئی ہے، اے این پی دوبارہ حکومت میں آنے کا خواب نہ دیکھے، انہوں نے مردان سے سوات 105کلو میٹر طویل گیس پائپ لائن کا اعلان کرتے ہوئے کہا کہ ترقی اور استحکام مسلم لیگ ن کا ویزن ہے اس منصوبے سے سوات کا 50سال کے لیے سوات کا مسئلہ حل ہو جائے گا۔
