شہر میں سموگ کے راج کے باعث بچوں کے اندر امراض بڑھنے لگے ہیں۔
پنجاب کے دیگر شہروں کی طرح صوبائی دارالحکومت لاہور میں ایئر کوالٹی انڈیکس بڑھنے کی وجہ سے بچوں میں سموگ کے باعث امراض بڑھنے لگے ہیں۔
شہر لاہور میں سموگ حد سے زیادہ بڑھ جانے کے بعد لاہور ایئر کوالٹی انڈیکس میں ساتویں نمبر پر آگیا جس سے نہ صرف بڑی عمر کے افراد بلکہ نو عمر بچوں کی بھی بڑی تعداد شدید متاثر ہے۔
سموگ کی وجہ سے بچوں کی بڑی تعداد لاہور کے مختلف ہسپتالوں میں زیر علاج ہے جہاں ایمرجنسی میں 5 سال سے کم عمر بچوں کا علاج معالجہ جاری ہے۔
ساٹ اے ایم ایس چائلڈ اسپیشلسٹ ڈاکٹر عثمان چیمہ کا کہنا ہے کہ ایسے موسم میں غیر ضروری طور پر بچوں کو گھر سے باہر نہ نکالا جائے، اگر جانا مقصود ہو تو واپسی پر ان کے ہاتھ اور منہ اچھی طرح دھلائے جائیں۔
سموگ کے باعث بچوں کو آنکھوں میں جلن اور ریش کی شکایات ہیں جن کی وجہ ہوا میں موجود پارٹیکلز ہیں۔
ہسپتال انتظامیہ کے مطابق روزانہ کی بنیاد پر 100 سے 150 بچے ہسپتال لائے جا رہے ہیں۔
