نیب نے فرح خان کے خلاف تحقیقات کا آغاز کر دیا

لاہور : (ویب ڈیسک) نیب نے فرحت شہزادی عرف فرح خان کےخلاف آمدن سے زائد اثاثوں، منی لانڈرنگ اور مختلف اکائونٹس رکھنے کے الزامات پرانکوائری شروع کردی ہے، چیئرمین نیب نے ڈی جی نیب لاہور کو انکوائری کا حکم دے دیا ہے۔
نیب کے اعلامیے کے مطابق میڈیا رپورٹس میں فرح خان پرغیر قانونی ذرائع سے اثاثے بنانے کا الزام عائد کیا گیا تھا۔ فرح ‏خان نے 9 بار امریکا اور 6 بار متحدہ عرب امارات کا سفر کیا۔۔۔فرح خان کے اثاثوں میں سال 2018ء کے بعد سے نمایاں ‏اضافہ ہوا۔ تین برس کے دوران فرح خان کے ذاتی اکائونٹ میں 84 کروڑ 70 لاکھ ڈالرجو پاکستانی روپوں میں 158 ارب، 28 کروڑ 20 لاکھ بنتے ہیں ‏کی رقومات موصول ہوئیں جنہیں فوراً ہی اکاؤنٹ سے نکال لیا گیا۔
نیب اعلامیے کے مطابق آمدنی سے زائد اثاثے بنائے جانے پر نیب فرح خان کے خلاف تحقیقات کرے گا جس کے لیے افسران ‏کو ہدایت کردی گئی ہیں۔