پرویزالٰہی اور مونس الٰہی کا شہباز گل سے ٹیلی فونک رابطہ، خیریت دریافت کی

لاہور: (ویب ڈیسک) اسپیکر پنجاب اسمبلی چودھری پرویزالٰہی اور سابق وفاقی وزیر مونس الٰہی نے تحریک انصاف کے مرکزی رہنما شہباز گل سے ٹیلیفون پر رابطہ کر کے اُن کی خیریت دریافت کی۔
چودھری پرویزالٰہی کا کہنا تھا کہ شہباز گل کی گاڑی کو پیچھے سے ٹکر لگنا باعث تشویش ہے جبکہ مونس الٰہی نے کہا کہ حکومت اس واقعے کی مکمل تحقیقات کرے اور ذمہ داروں کا تعین کرے۔ مسلم لیگ ق کے قائدین کا کہنا تھا کہ اللہ تعالیٰ کا شکر ہے کہ شہباز گل اس حادثے میں محفوظ رہے۔