سلمان اورلولیا کے درمیان فاصلے پھرسمٹ گئے

ممبئی (شوبز ڈیسک) کترینہ سے طوفانی عشق کے خاتمے کے بعد سلمان خان کی رومانیہ سے تعلق رکھنے والی ماڈل لولیا ونتر سے قربتیں کسی سے ڈھکی چھپی نہیں لیکن گزشتہ چند ماہ سے دونوں کے تعلقات میں کھنچاو¿ کی خبریں گردش کررہی تھیں تاہم فلم ٹیوب لائٹ کی شوٹنگ کے خاتمے کے بعد منعقدہ تقریب میں ایک ساتھ بھرپور شرکت نے یہ ثابت کردیا ہے کہ دونوں کے درمیان ناصرف فاصلے سمٹ رہے ہیں بلکہ محبتیں بڑھ بھی رہی ہیں۔ سلمان ہدایت کارکبیرخان کی فلم ٹیوب لائٹ میں مرکزی کردارکرتے نظر آئینگے۔ جس کی شوٹنگ گزشتہ دنوں زوروشور سے جاری تھی تاہم اب فلم کی شوٹنگ مکمل ہونے کے بعد ہدایتکارکی جانب سے ایک پارٹی رکھی گئی ہے۔پارٹی میں فلم کی پوری ٹیم توشامل تھی ہی لیکن اداکارسلمان خان اکیلے نہیں بلکہ رومانیہ کی ماڈل اوران کی گہری دوست لولیا وینتربھی آگے آگے ان کے ہمراہ تھیں۔سلمان خان لولیا کے ہمراہ ایک ہی گاڑی میں آئے جہاں وہ کالے رنگ کے کپڑوں میں الگ ہی نظر آرہی تھیں جب کہ اداکارسلمان خان بھی انہیں کہیں جانے نہیں دے رہے تھے اوردونوں پوری پارٹی کے دوران ایک جوڑے کی طرح ساتھ ساتھ ہی نظر آئے۔#