آسٹریلین اوپن ٹینس ویمنز ڈبلز میں ثانیہ مرزا کا فاتحانہ آغاز

میلبورن : (ویب ڈیسک) بھارت کی نامور ٹینس سٹار ثانیہ مرزا اور ان کی قزاخ جوڑی دار اینا سرجیوینا ڈینیلینا رواں سال کے پہلے گرینڈ سلام آسٹریلین اوپن ٹینس ٹورنامنٹ میں فاتحانہ آغاز کرتے ہوئے ڈبلز مقابلوں کے دوسرے راؤنڈ میں پہنچ گئیں۔
انٹرنیشنل ٹینس فیڈریشن (آئی ٹی ایف ) کے زیر اہتمام آسٹریلین اوپن ٹینس ٹورنامنٹ کا 111 واں ایڈیشن آسٹریلیا کے مشہور شہر میلبورن میں جاری ہے ۔
آج کھیلے گئے خواتین کے ڈبلز مقابلوں کے پہلے راؤنڈ میچ میں بھارت کی نامور ٹینس سٹار ثانیہ مرزا اور ان کی قازقستان کی جوڑی دار اینا سرجیوینا ڈینیلینا نے شاندار کارکردگی کامظاہرہ کیا ۔
دونوں نے حریف ہنگری کی ڈالما ریبیکا گالفی اور ان کی امریکی ٹینس کھلاڑی برنارڈا پیرا کو سٹریٹ سیٹس میں 2-6 اور 5-7 سے شکست دے کر نہ صرف میگا ایونٹ میں ویمنز ڈبلز کا فاتحانہ آغاز کیا بلکہ دوسرے راؤنڈ میں بھی جگہ بنانے میں کامیاب ہوگئیں ۔