پاکستانی سینئر اداکارہ شگفتہ اعجاز نے اپنی بیٹی حیا کے ہاں بیٹے کی پیدائش کی خوشخبری مداحوں کے ساتھ شیئر کردی۔
ڈراما ‘حقیقت’ ، ‘دا کیسل: ایک امید’ ، ‘ سرتاج میرا تو راج میرا’ اور ڈگڈی’ جیسے ڈراموں میں بہترین اداکاری جے جوہر دکھانے والی اداکارہ شگفتہ اعجاز نے رواں سال اپنے دوسرے شوہر یحیحی صدیقی کو کینسر کے مرض سے جنگ لڑتے ہوئے کھو دیے۔
اداکارہ نے اپنے شوہر کی زندگی کے آخری دن یادگار بنانے کیلئے اپنے یوٹیوب ویڈیوز میں انہیں شامل کیا اور مداحوں کو یحییٰ صدیقی کی صحت سے متعلق بھی آگاہ کرتی رہیں۔
شگفتہ اعجاز کی 4 بیٹیاں ہیں، اداکارہ کی پہلے شوہر سے ایک بیٹی عنیا علی ہے جب کہ دوسرے شوہر سے تین بیٹیاں حیا صدیقی، ایمان صدیقی اور نبیہا صدیقی ہیں۔
جہاں یہ خاندان سربراہ کے چلے جانے کے غم سے دوچار تھا وہیں انکے ہاں ننھے مہمان کی آمد نے خوشیوں کے دروازے کھول دیے ہیں۔
شگفتہ اعجاز اور یحییٰ صدیقی کی بیٹی حیا طلحہ کے ہاں بیٹے کی پیدائش ہوئی ہے جس کا اعلان شگفتہ اعجاز نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کر کے کیا۔
شگفتہ اعجاز نے مٹھائی کے آسمانی ڈبے کی تصویر شیئر کی جس پر ‘اِٹس آ بوائے’ لکھا ہے جبکہ کیپشن میں انہوں نے ‘الحمداللہ’ لکھا۔
دوسری جانب خود حیا طلحہ نے بھی انسٹاگرام پر اپنے گھر پہلی اولاد کی آمد کے بارے میں اپ ڈیٹ دی اور چند تصاویر بھی شیئر کیں۔
حیا نے ایک تصویر بطور اسٹوری شیئر کی جس میں انکے شوہر طلحہ نومولود بیٹے کو گود میں لیے بیٹھے نظر آئے۔
علاوہ ازیں حیا طلحہ نے انسٹاگرام پر پوسٹ شیئر کیا جس میں بیٹے کا نام بھی مداحوں کے ساتھ شیئر کیا۔
حیا کی اس پوسٹ میں شامل تصویر انکی اپنے شوہر اور نومولود بیٹے کے ساتھ ہسپتال میں لی گئی ہے۔
پوسٹ کے کیپشن میں لکھا کہ ہے کہ ‘ہمارا بیٹا ہمارے ساتھ ہے، یقین نہیں آرہا کہ ہم والدین بن گئے ہیں، ماشاءاللہ۔ ہمیں اپنی دعاؤں میں یاد رکھیے گا،’۔
انہوں نے بیٹے کا نام بتاتے ہوئے لکھا کہ ‘کیان یحییٰ چوہدری اپنے چاہنے والوں کی محبت سے گھرا ہوا ہے اور اس کے نانا جنت سے اسے دیکھ کر مسکرا رہے ہیں’۔
خیال رہے کہ حیا طلحہ نے اپنے بیٹے کا نام مرحوم والد کے نام پر رکھا ہے جو انکا والد سے محبت کا ایک طریقہ ہے۔
واضح رہے کہ حیا کی سال 2021 میں طلحہ چوہدری سے منگنی ہوئی تھی جس کے ایک سال بعد دونوں نے شادی کرلی تھی۔
