محکمہ تعلیم پنجاب نے موسم گرما کی تعطیلات میں اضافہ کردیا۔
وزیر تعلیم پنجاب رانا سکندر کا کہنا ہے کہ صوبے میں اسکول 15 اگست کی بجائے یکم ستمبر کو کھلیں گے۔
انہوں نے کہا کہ چھٹیوں میں اضافہ گرمی، حبس کو مدنظر رکھ کر کیا گیا ہے۔
اس سے قبل محکمہ کے ذرائع کا کہنا تھا کہ موسمی شدت کے باعث چھٹیوں میں 31 اگست تک توسیع کی تجویز زیر غور ہے۔
وزیر تعلیم پنجاب رانا اسکندر حیات نے کہا تھا کہ صوبہ میں موسم گرم کی چھٹیوں کے حوالہ سے مشاورت جاری ہے، اسکولوں میں گرمیوں کی چھٹیوں میں توسیع کرنے یا نہ کرنے کا فیصلہ جلد کرلیا جائے گا۔
واضح رہے کہ پنجاب میں وقفے وقفے سے بارشوں کا سلسلہ جاری ہے، بارش نہ ہونے کی صورت میں موسم شدید گرم اور حبس بہت زیادہ ہوتا ہے، اس تمام صورتحال کو مدنظر رکھتے ہوئے اسکول کھولنے یا نہ کھولنے کا فیصلہ کیا جائے گا۔
