ویسٹ انڈیز کے خلاف شکست، بابر اعظم اسٹرائیک روٹیشن پر تنقید کی زد میں
ویسٹ انڈیز کے خلاف ٹیسٹ میچ میں پاکستان کی شکست کے بعد قومی ٹیم کے سابق کپتان بابر اعظم کو سوشل میڈیا صارفین کی جانب سے تنقید کا سامنا کرنا پڑ رہا ہے۔ شائقین نے خاص طور پر ٹیل اینڈرز کے ساتھ بیٹنگ کے دوران اسٹرائیک روٹیشن کے فیصلوں پر سوالات اٹھائے۔
ناقدین کا کہنا ہے کہ مشکل صورتحال میں بابر اعظم کو زیادہ جارحانہ انداز اپنانا چاہیے تھا اور آخری بلے بازوں کے ساتھ شراکت داری کے دوران رنز بنانے کی رفتار بہتر رکھنی چاہیے تھی۔ کچھ صارفین نے انہیں "سیلفش پلیئر” بھی قرار دیا، تاہم کئی مداحوں نے بابر کا دفاع کرتے ہوئے کہا کہ شکست کی ذمہ داری صرف ایک کھلاڑی پر نہیں ڈالی جا سکتی۔
ویسٹ انڈیز نے پہلے ٹیسٹ میں پاکستان کو 90 رنز سے شکست دے کر سیریز میں 1-0 کی برتری حاصل کی، جس کے بعد قومی ٹیم کی بیٹنگ اور حکمت عملی پر بحث شروع ہو گئی ہے۔
