نوازشریف کینسر ہسپتال افسران اور ڈاکٹرز کیلئے لاکھوں روپے ماہانہ تنخواہیں مقرر کیے جانے کا انکشاف

لاہور(جنرل رپورٹر) نوازشریف کینسر ہسپتال لاہور میں بڑے انتظامی عہدوں پر تعینات افسران اور ڈاکٹرز کے لیے لاکھوں روپے ماہانہ تنخواہیں مقرر کیے جانے کا انکشاف۔ ذرائع کے مطابق ہسپتال کے میڈیکل ڈائریکٹر اور ہسپتال ڈائریکٹر کی ماہانہ تنخواہ 17 سے 22 لاکھ روپے جبکہ ڈائریکٹر فنانس اور ڈائریکٹر نرسنگ کی تنخواہ 15 سے 20 لاکھ روپے مقرر کی گئی ہے۔ ذرائع کا کہنا ہے کہ مسابقتی تنخواہیں ماہر ڈاکٹرز اور افسران کو بہتر کارکردگی اور ذمہ داری کے ساتھ کام کرنے کی ترغیب دے سکتی ہیں تاہم پنجاب کے دیگر سرکاری ہسپتالوں کے سربراہان اور سینئر ڈاکٹرز میں اس حوالے سے تشویش کی لہر دوڑ گئی ہے۔ ان کا کہنا ہے کہ اگر ایک سرکاری ہسپتال میں ماہرین کو 15 سے 22 لاکھ روپے ماہانہ تک تنخواہ دی جا سکتی ہے تو دیگر بڑے سرکاری ہسپتالوں میں خدمات انجام دینے والے سینئر ڈاکٹرز اور سربراہان کے لیے بھی مناسب اور مسابقتی تنخواہی پیکیج ہونا چاہیے۔ ماہرین کا کہنا ہے کہ صوبے کے دیگر سرکاری ہسپتالوں میں محدود وسائل، مریضوں کے بے پناہ دبا اور طویل ڈیوٹیوں کے باوجود خدمات انجام دینے والے ڈاکٹرز اور طبی عملے کی مالی مراعات میں بہتری کب لائی جائے گی۔