آرسنل کے ہیڈ کوچ میکل آرٹیٹا نے کلب کے ساتھ نئے معاہدے پر اتفاق کرلیا ہے، جس کے بعد وہ مزید عرصے تک ٹیم کی ذمہ داریاں سنبھالیں گے۔ موجودہ معاہدہ رواں سیزن کے اختتام پر ختم ہونا تھا اور نئے معاہدے پر کئی ماہ سے مذاکرات جاری تھے۔
44 سالہ اسپینش کوچ نے دسمبر 2019 میں آرسنل کی ذمہ داری سنبھالی تھی۔ ان کی قیادت میں آرسنل نے گزشتہ سیزن 22 سال بعد پریمیئر لیگ ٹائٹل جیتا، جبکہ ٹیم مسلسل تین سیزنز میں رنر اپ رہی تھی۔
آرٹیٹا نے رواں سال اپنے مستقبل کے حوالے سے کلب کے ساتھ وابستگی کا اظہار کرتے ہوئے کہا تھا کہ دونوں فریق ایک ہی سمت اور عزائم رکھتے ہیں۔ نئے معاہدے کی باضابطہ تصدیق آئندہ انٹرنیشنل بریک کے دوران متوقع ہے۔
آرٹیٹا کی نگرانی میں آرسنل نے گزشتہ سیزن چیمپئنز لیگ کا فائنل بھی کھیلا، جہاں اسے پیرس سینٹ جرمین کے ہاتھوں پنالٹی شوٹ آؤٹ میں شکست ہوئی تھی۔
