آبنائے ہرمز سے گزرنے والے ایک ٹینکر کو نامعلوم پروجیکٹائل سے نشانہ بنایا گیا، جس کے نتیجے میں جہاز میں آگ بھڑک اٹھی۔ برطانوی میری ٹائم سیکیورٹی ادارے UKMTO نے واقعے کی اطلاع دی ہے۔
UKMTO کے مطابق واقعے کے بعد ٹینکر کے عملے کو محفوظ بتایا گیا ہے، تاہم جہاز کو پہنچنے والے نقصان اور ممکنہ ماحولیاتی اثرات کا فوری طور پر تعین نہیں ہوسکا۔
ادارے نے ٹینکر کے پرچم، منزل یا اس میں موجود کارگو سے متعلق تفصیلات جاری نہیں کیں۔ حکام واقعے کی تحقیقات کر رہے ہیں، جبکہ آبنائے ہرمز سے گزرنے والے بحری جہازوں کو احتیاط برتنے کی ہدایت کی گئی ہے۔