معاوضہ بڑھاتے ہی میرا بیروزگار،عید پر کوئی ڈرامہ نہ ملا

لاہور(شوبز ڈیسک) اداکارہ میرا کورواں برس عیدالاضحی پرکوئی سٹیج ڈرامہ نہ مل سکا،وہ عیدمنانے اپنے سسرال امریکہ میں چلی گئیں۔بتایاگیاہے کہ اداکارہ میراکوایک ڈرامہ پروڈیوسر نے عیدپرپیش کیے جانے و الے ڈرامے میں کام کی پیشکش کی تھی تاہم انہوں نے معاوضہ اتنامانگ لیاکہ پروڈیوسر نے اداکار ہ سے دوبارہ رابطہ ہی نہیں کیاحالانکہ میرا عیدپرڈرامہ کرنے کی خواہشمندتھیں۔بتایاگیاہے کہ وہ لاہور سے امریکہ روانہ ہوگئی ہیں۔ان کی وطن واپسی دوہفتے تک متوقع ہے۔یادرہے کہ میراکی طرف سے شادی کرنے کااعلان سن کرانکے مبینہ سسرراجہ خالدپرویز،انکی ساس اور شوہر کیپٹن نویدگزشتہ ماہ لاہورآئے تھے۔