حافظ آباد (بیورو رپورٹ) چاچا ٹی 20 کی اپنی2 سگی بیٹیوں کے ساتھ 6 ماہ سے زیادتی۔ بیوی کی درخواست پر مقدمہ درج۔ پولیس نے ملزم کوحراست میں لے لیا۔ کرکٹ کے میدانوںمیں پاکستان پرچم زیب تن کرکے پاکستانی پرچم لہرا کر کھلاڑیوں اور شایقین کے خون کو گرما نے والے مہر زمان عرف چاچا ٹی 20 نے بے غیرتی کی حد ختم کردی اور اپنی سگی بیٹیوں کنزہ بی بی بعمر 19سال اور ثنیا بی بی بعمر22سال سے ڈرا دھمکااور جان سے مارنے کی دھمکیاں دیکر6 ماہ سے زیادتی کا نشانہ بنارہا تھاکہ اس ظلم سے تنگ آکر بچیوں نے اپنی والدہ کو بتایا تو وہ سیدھی تھانہ ونیکے تارڑ پہنچ گئی جس پر پولیس تھانہ ونیکے تارڑ نے ملزم زمان مہر عرف چاچاT20 کو حراست میں لیکر امینہ پروین زوجہ زمان مہر کی درخواست پر مقدمہ نمبر300/17 بجرم 376(i) درج کرلیا اور کنزہ بی بی اور ثنیا بی بی کا میڈیکو لیگل حاصل کرنے کےلئے ڈسٹرکٹ ہیڈ کوارٹرہسپتال پہنچا دیا۔ امینہ بی بی نے ڈی ایچ کیو ہسپتال میںصحافیوں سے گفتگو کرتے ہوئے کہاکہ ان کا تو گھرہی اجڑ گیا ہے وہ اپنی بیٹیوںکی تصاویر نہیں بنوانا چاہتی کل کو انکی شادی بھی کرنا ہے ۔ڈی ایس پی صدرسرکل رانا عبدالسلام نے بتایا کہ ملزم کو گرفتارکرلیاہے اور مزید تفتیش جاری ہے میڈیکل رپورٹ آنے کے بعد مزید حقائق سامنے آجائیں گے۔یہ امر قابل ذکر ہے کہ ملزم کا تعلق وفاقی وزیر صحت محترمہ سائرہ افضل تارڑ کے آبائی گاﺅں کولوتارڑ سے ہے۔
چا چا ٹی 20 کی اپنی ہی سگی بیٹیوں سے ایسی شرمناک حرکات کہ جان کر آپ بھی لعنتیں بھیجیں گے
