لاہور (خصوصی رپورٹ) پی ٹی آئی کی ریلی بدنظمی کا شکار، تلخ کلامی کے بعد کارکنوں میں لاتیں گھونسے اور مکے چل گئے۔ داتا دربار کے باہر پی ٹی آئی کے کارکنوں میں دھکم پیل کے بعد ماحول کشیدہ ہوگیا۔ سینئر کارکنوں نے بڑی تگ و دو کے بعد حالات پر قابو پایا۔ ریلی کے دوران عمران خان کے ٹرک میں خرابی پیدا ہوگئی۔ جس پر عمران خان کو شرکاءسمیت ٹرک سے اترنا پڑا اور وہ ساتھیوں سمیت دوسرے ٹرک میں سوار ہوگئے۔ ریلی کی سست رفتاری پر عمران خان نے مزاحیہ فقرہ کس دیا ان کا کہنا تھا کہ لگتا ہے گاڑی کو نون لیگ کی طرح دھکا لگانا پڑے گا، تب ہی چلے گا۔عمران خان کی ریلی میں نواز شریف کی تقریر بھی گونجتی رہی۔
