ممبئی (خصوصی رپورٹ) فیشن و میک اپ میگزین فیمینا کی جانب سے ہر سال منعقد کیے جانے والے فیمینا بیوٹی ایوارڈز کا رواں برس کا میلہ بولی وڈ شہنشاہ امیتابھ بچن اور ان کی بہو ایشوریا رائے نے لوٹ لیا۔اس ایوارڈ شو میں جہاں برانڈزکو ایوارڈز سے نوازا جاتا ہے، وہیں اس تقریب میں اداکاروں و اداکاراں کو بھی ان کے منفرد اسٹائلز و فیشن کے باعث ایوارڈ سے نوازا جاتا ہے۔فیمینا بیوٹی ایوارڈز 2018 میں بولی وڈ شہنشاہ 75 سالہ امیتابھ بچن کو اسٹائل لیجنڈ آف آل ٹائم کے خصوصی ایوارڈ سے نوازا گیا۔اسی ایوارڈ میں ان کی بہو خوبصورت اداکارہ ایشوریا رائے بچن کو بھی خصوصی ایوارڈ گلوبل بیوٹی آئکن اورپاورہاس انٹرٹینر کے ایوارڈز سے نوازا گیا۔فیمینا بیوٹی ایوارڈز 2018 میں اداکارہ ریکھا کو ہوم آف دی لیجنڈری اسٹائل ڈیوا کا ایوارڈ دیا گیا۔دیشا پٹنانی فریش فیس آف دی ایئر جب کہ ارجن کپور مین وی لو ایوارڈ لے اڑے۔
