بارسلونا (آئی این پی ) سپین میں کھیلے گئے فٹبال میچ میں میسی کی ٹیم بارسلونا نے ایتھلیٹک بیلباو¿ کو تین ایک سے ہرا دیا ہے۔ اسپینش کوپا ڈیل رے فٹ بال لیگ (کنگزکپ)کے سلسلے میں کھیلے گئے پری کوارٹرفائنل کے سیکنڈ لیگ میچ میں بارسلونا کی ٹیم نے شاندار کھیل پیش کرتے ہوئے ایتھلیٹک بلباﺅ کلب کو 3-1 گولز سے ہرایا اور ایگریگیٹ سکور 4-3 گولز سے شکست دے کر کوارٹرفائنل میں پہنچنے کا اعزاز حاصل کیا۔ سوریز، نیمار اور میسی نے ایک، ایک گول کیا، ایتھلیٹ کی جانب سے واحد گول سبورٹ نے کیا۔ میسی ، نیمار اور سواریز جیسے بڑے ناموں سے سجی ٹیم بارسلونا نے چھوٹی ٹیم کے خلاف شاندار پرفارمنس دکھائی۔ انہوں نے 36 ویں منٹ میں لوئس سواریز کے گول کی مدد سے ایک صفر کی برتری حاصل کی۔ 47 ویں منٹ میں ایک مرتبہ پھر بارسلونا کی جانب سے نیمار نے مخالف گول پوسٹ پر کامیاب حملہ کر کے برتری دو صفر کر دی۔ ایتھلیٹک بیلباو¿ نے کچھ ہمت دکھائی اور 51 ویں منٹ میں پہلا گول کر دیا تاہم سٹار فٹبالر میسی نے 77 ویں منٹ میں گیند کو جال کا راستہ دکھا کر سکور تین ایک کر دیا جو میچ کے اختتام تک برقرار رہے۔
بارسلونانے کنگزکپ کے فائنل8میں قدم رکھ دیا
