تازہ تر ین

لاہور کا مشہور بازار انارکلی آگ کی لپیٹ میں ۔ علاقے میں خوف وہراس پھیل گیا

لاہور(ویب ڈیسک)لاہور کے انار کلی ، گڈی بازار کے پلازہ میں لگی آگ7 گھنٹے بعد بھی نہ بجھائی جاسکی،جس نے مزید 7عمارتوں کومتاثر کیا، درجنوں دکانیں جل گئیں جبکہ دو افراد زخمی ہوئے ہیں۔فائر بریگیڈ اور ضلعی انتظامیہ کی متعدد گاڑیاں کولنگ میں مصروف رہیں، تنگ گلیوں کی وجہ سے آگ بجھانے میں مشکلات کا سامنا رہا،متاثرہ پلازہ کے مالکان نے الزام لگایا کہ ریسکیو اور فائر بریگیڈ کے عملے نے وقت پر کارروائی نہیں کی۔لاہورکے معروف کاروباری علاقے انارکلی میں ایک پلازے میں لگنے والی آگ نے متعدد ملحقہ عمارتوں کوبھی لپیٹ میں لے لیا،7 گھنٹے گزرنے کے باوجود آگ پر مکمل قابو نہیں پایا جا سکا۔آتشزدگی کے باعث عمارتوں میں موجود شادی بیاہ کی سجاوٹ اور کاغذ سمیت لاکھوں روپے مالیت کا دیگر سامان جل کر خاکستر ہو گیا،آگ سے2افراد زخمی ہو گئے۔ریسکیو ذرائع کے مطابق گنپت روڈ گڈی بازار کے4منزلہ پلازےمیں رات2بجے کے قریب شارٹ سرکٹ کے باعث اچانک آگ بھڑک اٹھی،جس نے دیکھتے ہی دیکھتے ملحقہ عمارتوں کو بھی لپیٹ میں لے لیا،،تنگ گلیوں اور دکانیں بند ہونے کے باعث آگ پر قابو پانے میں مشکلات کاسامنا کرنا پڑا۔متاثرہ پلازے اور ملحقہ دکانوں میں شادی بیاہ کی سجاوٹ کا سامان، پلاسٹک اور کاغذ وغیرہ موجود تھا،فائربریگیڈ اور ریسکیو کی 17گاڑیوں نے آگ بجھانےکی کارروائی میں حصہ لیا،آگ کے باعث انارکلی اور ملحقہ علاقے کی بجلی بھی بند رہی۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved