گیانا(نیوزایجنسیاں) پاکستان کی ایک روزہ اور ٹی ٹوئنٹی ٹیم کے کپتان سرفرازاحمد نے نوجوان کھلاڑی کی تعریف کرتے ہوئے کہا تھا کہ اگر شاداب نے اس کارکردگی کوتسلسل دیا تو وہ مستقبل قریب میں ٹیسٹ میچز بھی کھیلیں گے۔شاداب خان نے (پی ایس ایل) میں مصباح الحق کی قیادت میں اسلام آباد یونائیٹڈ کی نمائندگی کی تھی۔کرتے ہوئے بہترین کارکردگی دکھائی تھی جس کے بعد انھیں ویسٹ انڈیز کے خلاف مختصر طرز سیریز کے لیے قومی ٹیم میں شامل کیا گیا۔شاداب خان کا کہنا ہے کہ ‘میرا ماننا ہے کہ میں مزید سخت محنت کرسکتا ہوں اورمیں بین الاقوامی کرکٹ میں مزید کامیابیاں حاصل کروں گا’۔18 سالہ اسپنر کا تعلق پاکستان کے کامیاب ٹیسٹ کپتان مصباح الحق اور سابق ورلڈ چمپیئن کپتان عمران خان کے شہر میانوالی سے ہے تاہم وہ 2010 میں راولپنڈی منتقل ہوگئے تھے۔

گیانا(آئی این پی)پاکستان کر کٹ ٹیم کے نوجوان لیگ سپنر شاداب خان نے کہا ہے کہ ویسٹ انڈیز کےخلاف اچھی کارکردگی ذہن میں ضرور تھی لیکن ایسی شاندار کارکردگی دکھاﺅںگا سوچا نہیں تھا، دورے کے لیے سخت محنت کی ہے اور کوچز نے انہیں بہت زیادہ حوصلہ دیا، پہلے فاسٹ باﺅلر تھا کلب کوچ کے کہنے پر سپن باﺅلنگ شروع کی،مزید سخت محنت کرکے بین الاقوامی کرکٹ میں مزید کامیابیاں حاصل کروں گا،کریز سے باہر باو¿لنگ کیا کرتا تھا ڈین جونز نے رہنمائی کی جو میرے لیے فائدہ مند ثابت ہوئی۔غیرملکی خبررساں ادارے کو انٹرویو میں شاداب خان کا کہنا تھا کہ میں جانتا ہوں کہ میری گگلی مقبول ہورہی ہے لیکن صرف یہ ایک نہیں ہے، میں لیگ اسپن اور فلیپر پر سخت محنت کرتا ہوں اور تینوں گیندوں کو آزمانے کے لیے بہترین کوشش کروں گا۔شاداب خان کا کہنا ہے کہ میرا ماننا ہے کہ میں مزید سخت محنت کرسکتا ہوں اورمیں بین الاقوامی کرکٹ میں مزید کامیابیاں حاصل کروں گا۔نوجوان باو¿لر کا کہنا تھاکہ جب میں نے کلب کرکٹ شروع کی تھی تو میں تیز باو¿لنگ کرتا تھا لیکن ہمارے کلب کے صدر نے مجھے لیگ اسپن باو¿لنگ شروع کرنے کا کہا اور میں نے اس آرٹ پر سخت محنت شروع کردی۔شاداب کا کہنا تھا کہ میں کریز سے باہر باو¿لنگ کیا کرتا تھا اور بعد میں ڈین جونز نے رہنمائی کی جو میرے لیے فائدہ مند ثابت ہوئی۔شاداب خان نے کہا کہ پاکستان سپر لیگ کھیل کر انہیں بہت کچھ سیکھنے کو ملا کیونکہ پی ایس ایل ایک لحاظ سےانٹرنیشنل کرکٹ ہی تھی اور اس میں بڑے بڑے بیٹسمین کھیل رہے تھے جن کے خلاف بولنگ کرکے ان میں اعتماد آیا جو انٹرنیشنل کرکٹ میں ان کے کام آئے گا۔

لاہور(نیوزایجنسیاں) ویسٹ انڈیز سے ٹیسٹ سیریزکیلیے مشقوں کا آغاز قذافی سٹیدیم میںہوگیا جس کے لیے طویل فارمیٹ کے اسپیشلسٹ 13 کرکٹرز کو مدعو گیا ہے۔ ان میں کپتان مصباح الحق،یونس خان، اظہر علی، اسد شفیق، سمیع اسلم، شان مسعود، عثمان صلاح الدین، یاسر شاہ، سہیل خان، راحت علی،محمد عباس،اسد رضا اور خالد عثمان شامل ہیں،گریڈ 2 ٹورنامنٹ میں شریک مصباح سمیت چند کرکٹرز بعد میں کیمپ کو جوائن کریں گے۔طویل فارمیٹ کیلیے ممکنہ کھلاڑیوں میں سے چند پہلے ہی ویسٹ انڈیز میں موجود ہیں،لاہور میں پلیئرز نیشنل کرکٹ اکیڈمی اور قذافی اسٹیڈیم میں مشقوں کا سلسلہ جاری رکھیں گے، اس دوران فٹنس کا بھی بغور جائزہ لیا جائے گا، ٹیسٹ اسکواڈ منتخب کرنے کیلیے سلیکٹرز بدھ کو صلاح مشورہ کریں گے، کپتان مصباح الحق سے بھی رائے طلب کی جائے گی۔ذرائع کے مطابق ٹوئنٹی 20سیریز میں کیریبیئنز کو مشکلات کا شکار کرنے والے نوجوان لیگ اسپنر شاداب خان کے نام پر غور کیا جا رہا ہے، پی ایس ایل اسپاٹ فکسنگ اسکینڈل میں ملوث ہونے کی وجہ سے اوپنرز کا انتخاب بھی توجہ طلب مسئلہ ہے، سمیع اسلم آسٹریلیا میں ناکام رہے تھے، کنڈیشنز کو دیکھتے ہوئے شان مسعود کو موزوں خیال کیا جا رہا ہے، عثمان صلاح الدین بھی مضبوط امیدواروں میں شامل ہیں۔یاد رہے کہ ویسٹ انڈیز کیخلاف ٹیسٹ سیریز کا آغاز 22اپریل کو سبائنا پارک کنگسٹن اوول برج ٹاو¿ن میں ہوگا، دوسرا مقابلہ 30 اپریل اور تیسرا 10مئی سے شروع ہوگا۔

لاہور(آئی این پی) انٹرنیشنل کرکٹ کے ا±فق پر چمکنے والے نوجوان پاکستانی کرکٹرزکے عمدہ کھیل نے سلیکٹرزکاحوصلہ بڑھا دیا ، چیف سلیکٹرانضمام الحق سمیت سلیکشن کمیٹی اور ہیڈکوچ مکی آرتھر نے سینئر کھلاڑیوں سے جان چھڑاکر نوجوان اور باصلاحیت کھلاڑیوں پرمشتمل ٹیمیں تشکیل دینے کا منصوبہ بنا لیا ۔ حالیہ دورہ ویسٹ انڈیزمیں ٹیم کی سلیکشن نئی پالیسی کے تحت کی گئی ہے جہاں ٹوئنٹی20اسکواڈمیں شاداب خان،عثمان شنواری ، فخرزماں،عمادبٹ، حسن علی اوررومان رئیس کو شامل کیاجبکہ ون ڈے ٹیم میں فہیم اشرف اور آصف ذاکر سمیت چند نوجوان کھلاڑیوں کو شامل کیا گیاہے۔تجربہ کارٹاپ آرڈر بلے باز محمد حفیظ کوپہلے میچ میں ناکام رہنے کے بعد پوری سیریزمیں باہربٹھادیا جن کی جگہ بابراعظم کو سیٹ کرنے کی کوشش کی گئی جو اس سیریز سے قبل صرف چار ٹوئنٹی20انٹرنیشنلز کھیل سکے تھے۔شرجیل خان کی عدم موجودگی میں سلیکٹرزکامران اکمل کو مزید مواقع دینا چاہتے ہیں لیکن ا±ن کی جگہ نوجوان جارح مزاج اوپنرکی تلاش جاری رکھی جائیگی۔ذرائع کا دعویٰ ہے کہ مصباح الحق ویسٹ انڈیزکے خلاف آنے والی ٹیسٹ سیریزکے بعد ریٹائرمنٹ کا اعلان کردیں گے جن کی جگہ سرفرازاحمدکوکپتان مقرر کیاجائے گا۔حالیہ سیریز کے دوران پاکستانی ٹیم مینجمنٹ سہیل تنویر اور شعیب ملک کی فیلڈنگ سے خوش نہیں رہی جبکہ دیگر پلیئرزکی فیلڈنگ پر اطمینان کا اظہارکیا۔کرکٹ بورڈنے نئی سلیکشن پالیسی پر مکمل اطمینان کا اظہارکرتے ہوئے سلیکشن کمیٹی اور ہیڈکوچ مکی آرتھر کو مکمل اختیارات دے دئیے ہیں جس کے تحت سال کے اندر پاکستانی شائقین کویکسر تبدیل ٹیم دیکھنے کو مل سکے گی۔