نئی دہلی(آئی این پی ) بھارتی کرکٹ ٹیم کے سابق جارح مزاج بیٹسمینوریندر سہواگ نے کہا ہے کہ میں اس لئے ہندوستانی ٹیم کا کوچ نہیں بن سکا کیونکہ میری بھارتی کرکٹ بورڈ میں کسی سے نہ تو دوستی تھی اور نہ ہی کسی بورڈ عہدے دار کے ساتھ سیٹنگ ۔بھارتی میڈیاکے مطابق اپنی کھری باتوں اور بورڈ حکام پر نکتہ چینی کے حوالے سے مشہور سابق انڈین کرکٹر اور جارح مزاج اوپنر بلے باز وریندر سہواگ نے بھارتی ٹیم کا کوچ نہ بننے پر کچھ عرصے بعد اپنا دل کھولتے ہوئے کہا کہ میری بورڈ کے کسی عہدے دار سے نہ تو دوستی تھی اور نہ ہی سیٹنگ ، اسی لئے میں ہندوستانی کرکٹ ٹیم کا کوچ نہیں بن سکا انہوں نے کہا اگر میری بھی دوسروں کی طرح بورڈ میں دوستیاں اور خصوصی تعلقات ہوتے تو میں آج ٹیم کا کوچ ہوتا۔واضح رہے کہ وریندر سہواگ کو ٹیم انڈیا کے کوچ کے عہدے کی دوڑ میں سب سے آگے مانا جارہا تھا لیکن کپتان ورا ت کوہلی کی پسند روی شاستری ٹیم انڈیا کے نئے کوچ بن گئے۔ سہواگ نے کہا کہ میں نے سوچا ہی نہیں تھا، میرے پاس آفر آیا تھا ، بی سی سی آئی کے سکریٹری امیتابھ چودھری اور ڈاکٹر شری دھر آئے تھے،انہوں نے خواہش ظاہر کی اور میں نے اس کے لئے وقت مانگا۔ سہواگ نے کہا کہ میں نے وقت لینے کے بعد پھر اس کے لئے درخواست دی، ورات کوہلی سے بھی میری بات ہوئی تھی وہ یہ بھی کہہ رہے تھے ، تب جاکر میں نے درخواست دی، اگرمجھ سے پوچھیں کہ میرا من تھا، تو میری بھارتی ٹیم کا کوچ بننے میں بالکل بھی کوئی دلچسپی نہیں
