میگا کرپشن؟ آصف زرداری اور فریال تالپور بارے اھم انکشاف

اسلام آباد (مانیٹرنگ ڈیسک) میاں محمد نواز شریف کے بعد آصف زرداری اور فریال تالپور کا نام کھلنے لگا ہے۔ مسلم لیگ ن، پی پی پی، پی ایس پی اور ایم کیو ایم کے تمام لیڈران کے رابطے الطاف حسین کے ساتھ لندن میں برقرار ہیں۔ جس کی ریکارڈنگ الطاف کے پاس ہے اور اب وہ سکاٹ لینڈ یارڈ کے ہاتھ لگ چکی ہے۔ معروف تجزیہ کار ڈاکٹر شاہد مسعود نے نجی ٹی وی پر گفتگو کرتے ہوئے انکشاف کیا ہے کہ میاں نواز شریف کے بعد آصف علی زرداری اور فریال تالپور کا نام آنے والا ہے۔ یہ قدرت کی پکڑ ہے جس میں اور بھی بہت بڑے بڑے نام آنے والے ہیں۔ سپریم کورٹ نے نواز شریف کو جھوٹا، گاڈ فادر قرار دیا ہے۔ اسحاق ڈار حدیبیہ کھلنے سے پہلے ہی لندن جا کر لیٹ گئے ہیں۔ حدیبیہ کھلے گا تو وہ جیل میں جائیں گے۔ زاہد حامد سے کہا جا رہا ہے کہ استعفیٰ دے دو۔ وہ کہہ رہے ہیں کہ استعفیٰ دیا تو سب کے نام کھول دونگا۔ اسلام آباد دھرنا جاری ہے۔ حکومت اسے ختم کرانے میں ناکام ہو گئی۔
مسلم لیگ ن، پی پی پی، پی ایس پی اور ایم کیو ایم کے تمام سربراہان اور نمائندوں کے رابطے لندن میں الطاف حسین کے ساتھ ہیں۔ جس کا تمام ریکارڈ الطاف حسین کے پاس محفوظ ہے۔ یہی ریکارڈ سکاٹ لینڈ یارڈ کے ہاتھ لگ چکا ہے۔ پی ایس پی کے بننے سے لیکر 22اگست تک ان تمام لوگوں کے درمیان بات ہوتی رہی ہے۔ کراچی میں مہاجر قوم کا ووٹ موجود ہے۔ وہ الطاف حسین کو چاہتے ہیں اگرچہ وہ دہشتگرد نہیں بھی ہیں پھر بھی وہ الطاف حسین کو چاہتے ہیں۔ ہو سکتا ہے اسٹیبلشمنٹ نے ایم کیو ایم اور پی ایس پی کو ملانے کی کوشش کی ہو۔ لیکن وہ نہ ہو سکا اب وہ پیچھے ہٹ گئے ہیں، اب کوئی بڑا موجود نہیں جو صلح کروا سکے۔ شاہد خاقان عباسی اسمبلی توڑنے کےلئے بے چین ہیں۔ وہ چاہتے ہیں اسمبلی ٹوٹ جائے یا عدم اعتماد آ جائے تاکہ میری جان ایل این جی سے بچ جائے۔ ڈاکٹر عاصم حسین، شرجیل میمن، اسحاق ڈار، پرویزمشرف سب سیاسی بیمار ہیں، انہیں عدالتی بیماری ہو گئی ہے، وہ سب کے سب لیٹے ہوئے ہیں۔