ویرات اور انوشکا پہلے ہی میاں بیوی نکلے ۔۔۔ صحافی کے انکشاف نے ہنگامہ کھڑا کر دیا

 اداکارہ انوشکا شرما اور ویرات کوہلی کی شادی کے چرچے ہیں۔ گزشتہ ہفتے انوشکا شرما اپنے خاندان سمیت اٹلی روانہ ہوئی ہیں۔ میڈیا رپورٹس کے مطابق اٹلی کے شہر میلان میں ٹسکنی کے تاریخی قلعہ بورگو فینو چیٹو میں دونوں کی شادی کی تقریبات کا آغاز بھی ہوچکا ہے۔جہاں ایک جانب دونوں ستاروں کے مداح انتظار کررہے ہیں کہ شادی کے جوڑے میں دلہا اور دلہن کیسے نظرآئیں گے، وہیں دوسری طرف بھارت کے ایک اسپورٹس صحافی نے سوشل میڈیا پر یہ اعلان کرکے ہنگامہ مچادیا ہے کہ انوشکا اور ویرات پہلے سے شادی شدہ ہیں۔ انہوں نے کہا ہے کہ دونوں  کی شادی کا باقاعدہ اعلان بہت جلد کیاجائے گا۔ جب کہ انوشکا اور ویرات نے  اس حوالے سے کسی بھی طرح کا تبصرہ کرنے سے گریز کیا ہے۔بھارتی میڈیا میں گردش کرنے والی افواہوں کے مطابق صحافی کا کہنا ہے کہ ویرات کوہلی اور انوشکا شرما ہفتے کےروز شادی کے بندھن میں بندھ چکے ہیں اور بہت جلد باقاعدہ یہ خبر مداحوں کے ساتھ شیئر کریں گے۔واضح رہے کہ دونوں ستارے شادی کے لیے ہی اٹلی گئے ہیں جہاں شادی بورگو فینو چیٹو قلعے میں پنجابی انداز میں انجام پائے گی۔ ولا میں 22 کمرے ہیں جن میں 44 مہمانوں کی گنجائش ہے۔واضح رہے کہ گزشتہ برس دسمبر میں بھی ویرات کوہلی اور انوشکا شرما کی شادی کی خبریں منظر عام پر آئی تھیں تاہم بعد میں یہ خبریں محض افواہ ثابت ہوئی تھیں۔