راولپنڈی(ویب ڈیسک) بھارتی فوج کی لائن آف کنٹرول پر فائرنگ سے ایک شہری شہید اور 3 زخمی ہوگئے۔بھارتی فوج کی جانب سے لائن آف کنٹرول پر سیز فائر معاہدے کی خلاف ورزی کا سلسلہ جاری ہے اور گزشتہ روز بھی بھارتی فوج کی بلا اشتعال فائرنگ کے نتیجے میں ایک شہری شہید ہوا۔پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے لائن آف کنٹرول پر نکیال سیکٹر کے گاو¿ں تھروٹی نار پر فائرنگ کی جس کے نتیجے میں ایک معصوم شہری محمد فاروق شہید ہوگیا۔آئی ایس پی آر کے مطابق بھارتی فوج کی فائرنگ سے 3 شہری زخمی بھی ہوئے جنہیں طبی امداد کے لیے تحصیل ہیڈ کوارٹرز اسپتال نکیال منتقل کردیا گیا۔آئی ایس پی آر نے بتایا کہ بھارتی فوج کی اشتعال انگیزی پر پاک فوج نے دشمن کو منہ توڑ جواب دیا اور چوکیوں کو نشانہ بنایا۔
بھارت کا پھر بزدلانہ حملہ ۔۔۔ایک شہری شہید ، 3 زخمی پاک فوج کے جوانوں نے دشمن کے سر پر پہنچ کر کاری ضرب لگا دی
