واہ بھئی ۔۔۔سرفراز احمد نے دنیا کی تمام ٹیموںکو بڑا چیلنج دیدیا

کراچی (ویب ڈیسک)پاکستان کرکٹ ٹیم کے کپتان سرفراز احمد نے ویسٹ انڈیز کے خلاف ٹی ٹوئنٹی سیریز میں وائٹ واش کے بعد اپنے بیان میں کہا کہ گرین شرٹس ہر ٹیم سے مقابلے کے لیے تیار ہیں۔سرفراز احمد نے کہا کہ کراچی والوں نے دل جیت لیے، سیریز کامیاب بنانے پر ہر فرد کا شکریہ ادا کرتا ہوں۔انہوں نے کہا کہ ہمارے کھلاڑیوں نے اچھا پرفارم کیا، یہ کہنا غلط ہے کہ ویسٹ انڈیز کی بی ٹیم آئی تھی، ویسٹ انڈیز کے آٹھ لڑکے پچھلی سیریزکھیلے ہوئے تھے، ٹیم کی کارکردگی میرے لیے تسلی بخش ہے۔پاکستان نے ویسٹ انڈیز کو ٹی ٹوئنٹی سیریز میں وائٹ واش کردیا سرفراز نے کہا کہا نئے لڑکوں کوموقع دیا،انہوں نے اسکا بھرپور فائدہ اٹھایا، نوجوان لڑکوں کی پرفارمنس بہت اچھی ہے، سلیکشن کمیٹی کو کریڈیٹ جاتا ہے۔کپتان نے کہا کہ بہت وقت کے بعد کراچی میں انٹرنیشنل میچ کھیلا بہت مزہ آیا، ا?ئندہ مشکل ٹوور ہے جس کی تیاری کریں گے۔سرفراز نے تیسرے ٹی ٹوئنٹی کی میچ فیس نیشنل اسٹیڈیم کے گراو¿نڈ اسٹاف کے نام کرنے کا اعلان بھی کیا۔دوسری جانب سیریز کے بہترین کھلاڑی کا اعزاز پانے والے بیٹسمین بابر اعظم نے کہا کہ ان کا پلان یہی تھا کہ مین آف دی سیریز بنیں۔انہوں نے کہا کہ ٹیم میں شامل سینئر کھلاڑی اچھی رہمنائی کرتے ہیں۔تیسرے میچ کے مین آف دی میچ فخر زمان کا کہنا ہے کہ کوچ اور کپتان کی ان کےلیے یہی ہدایت ہوی ہے کہ جیسا چاہوں کھیلوں۔پاکستان کرکٹ بورڈ کے چیئرمین نجم سیٹھی نے بھی ویسٹ انڈیز کے خلاف سیریز کے کامیاب انعقاد پر سیکورٹی اداروں، حکومت سندھ اور کراچی کے شہریوں کا شکریہ ادا کیا ہے۔نجم سیٹھی کا کہنا تھا کہ کراچی والوں نے دل جیت لیے ہیں۔ انہوں نے پاکستان کا دورہ کرنے پر ویسٹ انڈیز کرکٹ ٹیم اور بورڈ کا بھی شکریہ ادا کیا۔