ماسکو (ویب ڈیسک ) روسی فوج کی طرف سے گزشتہ دنوں اپنی خواتین اہلکاروں کے مقابلہ حسن کا اہتمام کیا گیا، جس کی تصاویر منظرعام پر آئیں تو ہر کسی کی آنکھیں کھلی کی کھلی رہ گئیں۔ رپورٹ کے مطابق اس مقابلہ حسن میں حصہ لینے والی اہلکاروں میں سے ہر ایک کو مختلف ٹاسک دیئے گئے تھے، جن کے ذریعے نہ صرف ان کے حسن کو جانچا گیا بلکہ ان کی دیگر کئی مہارتوں کو بھی مدنظر لایا گیا۔رپورٹ کے مطابق اس مقابلے میں خواتین کی جنگ میں لڑنے کی صلاحیت، تخلیق کاری، کھانا پکانے میں مہارت اور عقل و دانش کے بھی ٹیسٹ لیے گئے۔ اس مقابلے کا نام ’میک اپ انڈر کیموفلاج‘ (Makeup under Camouflage)رکھا گیا تھا۔ اس میں شریک تمام خواتین اہلکاروں کا تعلق سٹریٹجک میزائل فورسز سے تھا جنہوں نے روایتی فوجی کیموفلاج کے ساتھ میک اپ بھی کر رکھا تھا۔
