لاہور (کرائم رپو رٹر)گھریلوں ملازمین پر تشدد کا سلسلہ نہ رک سکا ، ڈیفنس کے علاقہ میں گھریلو ملازم پر مبینہ تشدد ،3ماہ کی تنخوہ مانگنے پرمالک کا اپنے بچے کے ساتھ مبینہ زیادتی کا الزام لگا کر ڈنڈوں کے ساتھ بہیمانہ تشدد کا نشانہ بناڈالا۔ بتایا گیا ہے کہ ڈیفنس کے علاقہ وائے بلاک میںگھر یلو ملازم عظمت کو مالکان نے مبینہ طور پر بہیمانہ تشدد کا نشانہ بنا ڈالا ۔متاثرہ گھریلو ملازم عظمت کا کہنا ہے کہ مالک اقبال جمیل نے اسکی 3 ماہ کی تنخواہ نہیں دی تھی ۔ جب تنخواہ کا مطالبہ کیا تو اس نے اپنے بچے کیساتھ زیادتی کا الزام لگا کر ڈنڈوں سے شدید تشدد کا نشانہ بنا ڈلا اور پولیس بھی میری بات سننے کو تیار نہیں ہے ۔ اس حوالے سے پولیس کا کہنا ہے کہ ہمارے پاس جب تک کوئی درخواست نہیں آئیگی تو ہم اپنے طور پر کیسے کاروائی عمل میں لائیں تاہم جیسے ہی کوئی درخواست موصول ہوگی تو قانون کے مطابق کاروائی عمل میں لائی جائیگی ۔
