20سال اقتدار میں رہے اور ایک الیکشن ہارنے کے بعد۔۔۔“فواد چودھری مولانا فضل الرحمن پر برس پڑے

اسلام آباد (ویب ڈیسک)تحریک انصاف کے رہنما فواد چودھری نے کہاہے کہ مو لانا فضل لرحمن 20سال اقتدار میں رہے اور ایک بار ہارنے پر پاکستان اور پاکستان کے اداروں کو گالیاں دے رہے ہیں۔فواد چودھری نے کہا کہ ابھی تک مسلم لیگ ن اور پیپلز پارٹی کی قیادت کا رویہ بہت میچور ہے۔ جس طرح شہبازشریف اور بلاول بھٹو نے سسٹم کے حق میں بات کی وہ بہت میچور بات ہے۔ انہوں نے کہ دھاندلی کے جو الزامات لگائے جارہے ہیں لیکن ابھی تک پہ نہیں پتہ کے دھاندلی کہاں ہوئی اور کس نے کی؟عمران خان کے حلقے میں تین دفعہ گنتی ہوئی لیکن سعدرفیق نہیں جیت پا رہے اس لئے ہم کیا کریں۔ ہم نے حکومت سازی کی طرف بھی تو جانا ہے۔فواد چودھری کا کہنا تھا کہ جیسے اپوزیشن کہتی ہے ہم پارلیمانی کمیٹی بنادیں گے جو تحقیقات کرے گی اور اعظم سواتی اس سے قبل بھی سینٹ میں یہی بات کر چکے ہیں۔انہوں نے کہا کہ فضل الرحمن 20سال اقتدار میں رہے اور ایک الیکشن ہارنے کے بعد پاکستان اور پاکستان کے اداروں کو گالیاں نکال رہے ہیں۔ پیپلز پارٹی نے ذوالفقار علی بھٹو کی پھانسی ، بے نظیر بھٹو کی شہادت کے بعد بھی ایسا لہجہ اختیار نہیں کیا۔ انہوں نے کہا کہ جاوید لطیف کا جو لہجہ ہے وہ شہباز شریف کا لہجہ نہیں بلکہ یہ اڈیالہ جیل سے لیا گیا لہجہ ہے۔