شیخو پورہ کا زمیندار پاگل ہو گیا ،کلہاڑی سے بچے کے پاﺅ ں کی انگلیاں کاٹ ڈالیں

شیخوپورہ (ویب ڈیسک)صوبہ پنجاب کے شہر شیخوپورہ میں ایک زمیندار نے کام کرنے سے انکار پر 12 سالہ بچے پر بہیمانہ تشدد کرتے ہوئے کلہاڑی چلا دی، جس کے نتیجے میں بچے کے پیر کا انگوٹھا اور انگلی کٹ گئی۔شیخوپورہ کے تھانہ فیکٹری ایریا میں درج ایف آئی آر کے مطابق مدعی شہباز نے الزام عائد کیا کہ اس کا 12 سالہ بیٹا نادر، رفاقت نامی زمیندار کے ڈیرے پر ملازم تھا۔ ایک دن کام کرنے سے انکار پر رفاقت نے اس کے پاو¿ں پر کلہاڑی ماری، جس سے اس کا انگوٹھا اور ایک انگلی کٹ گئی۔ ملزمان نے اس کے بیٹے کو 13 دن حویلی میں ہی رکھا۔پولیس نے طبی معائنے کے بعد مقدمہ درج کرکے 3 نامزد ملزمان الطاف، رفاقت اور اتفاق کو گرفتار کرلیا۔