لاہور (ویب ڈیسک ) گوگل نے ایک نئی کروم ایکسٹینشن متعارف کرائی ہے جو کہ آپ کے آن لائن اکاﺅنٹس کو ہیکرز سے محفوظ رکھنے میں مدد دے گی۔
پاس ورڈ چیک اپ نامی یہ ٹول گوگل کی جانب سے منگل کو متعارف کرایا گیا اور یہ اس وقت صارف کو خبردار کرتا ہے جب اس کا یوزر نیم اور پاس ورڈ کسی قسم کی ہیکنگ میں چرا لیا گیا ہو۔
اس کے ساتھ ساتھ یہ ٹول لوگوں کو ہر چند ماہ بعد آن لائن اکا?نٹس کے پاس ورڈ تبدیل کرنا بھی یاد دلاتا ہے۔
خیال رہے کہ پاس ورڈ طویل عرصے تک نہ بدلنا بھی آپ کے آن لائن اکا?نٹس کے خطرہ ثابت ہوسکتا ہے کیونکہ حال ہی میں 2 ارب 20 کروڑ اکا?نٹس کی تفصیلات لیک ہوئی تھیں جن میں سے کچھ 2008 کی تھیں۔
گوگل کے مطابق اس ٹول کے لیے ڈیٹا بھی اسی طرح کے 4 ارب یوزر نیم اور پاس ورڈز سے حاصل کیا گیا ہے۔
کمپنی کی جانب سے اس ڈیٹابیس کو گزشتہ 5 سال سے گوگل صارفین کے تحفظ کے لیے استعمال کیا جارہا ہے اور 11 کروڑ سے زائد اکا?نٹس کو اس طرح محفوظ بنایا گیا ہے۔
گوگل کے مطابق حفاظتی اقدامات کے بغیر اکا?نٹس ہیکنگ کا خطرہ 10 گنا زیادہ بڑھ جاتا ہے۔
اس وقت دنیا بھر میں انٹرنیٹ برا?زنگ کرنے والے 62 فیصد افراد گوگل کروم برا?زر استعمال کرتے ہیں۔
یہ بھی پڑھیں : گوگل کروم پر کونسی سائٹ کمپیوٹر سست کررہی ہے؟
گوگل واحد کمپنی نہیں جو اس طرح کے اقدامات کررہی ہے، فیس بک کی سیکیورٹی ٹیم بھی عوامی ہیکنگ لیکس کو مانیٹر کرتی ہے۔
ویسے صارفین اپنے اکا?نٹس کے تحفظ کے لیے اپنے تمام اکا?نٹس کا پاس ورڈ مختلف رکھیں تو ہیکرز کے لیے ان پر قبضہ کرنا مشکل ہوجاتا ہے۔
گوگل کا کہنا ہے کہ اس کا نیا ٹول آپ کے پاس ورڈ کو محفوظ نہیں کرتا تو صارفین بغیر کسی خوف کے اسے استعمال کرسکتے ہیں۔
