لاہور (ویب ڈیسک ) سوشل میڈیا پر متعدد افواہیں سامنے آتی ہیں مگر کچھ ایسی ہوتی ہیں جن پر کمپنیوں کو بھی صارفین کو انتباہ جاری کرنا پڑ جاتا ہے۔
ایسا ہی کچھ سماجی رابطے کی ویب سائٹ ٹوئٹر کے صارفین کے ساتھ ہوا جن کو ایک افواہ کے نتیجے میں اپنے اکا?نٹ لاک ہونے کا سامنا کرنا پڑ رہا ہے۔
یہ افواہ جتنی سادہ اور احمقانہ ہے، اتنی ہی لوگوں کو اپنی سیٹنگز میں جاکر پیدائش کا سال 2007 کرنے پر اکساتی ہے تاکہ اس سائٹ پر رنگارنگ فیڈ کو ان لاک کرسکیں۔
مگر جب کوئی صارف اپنے پیدائش کا سال 2007 کرتا ہے تو اس کا اکا?نٹ لاک ہوجاتا ہے۔
ٹوئٹر کی پالیسی کے تحت اس سوشل نیٹ ورک کو استعمال کرنے والے صارفین کی عمر 13 سال یا اس سے زائد ہونی چاہئے۔
تو پیدائش کا سال 2007 کرنے پر ٹوئٹر کو لگتا ہے کہ صارف صرف 12 سال کا ہے اور اس کا اکا?نٹ بلاک ہوجاتا ہے۔
ٹوئٹر نے اس حوالے سے صارفین کو انتباہ کیا ہے کہ وہ اس طرح کے پیغامات کے جھانسے میں مت آئیں اور اگر بدقسمتی سے اس کا شکار ہوچکے ہیں تو ان ہدایات پر عملدرآمد کریں جو اس کمپنی نے ای میل کے ذریعے ارسال کی ہوں گی۔
