نوشہرہ (مانیٹرنگ ڈیسک) امیر جمعیت العلمائے اسلام (ف)نے دعوی کیا ہے کہ صرف 24 گھنٹے کے اندر پورا پاکستان بند ہوچکا ہے۔ انہوں نے کہا کہ aaپنجاب سے ڈی آئی خان اور افغانستان سے آنے والے راستے بند ہیں اور شاہراہ قراقرم و اسلام آباد بھی بند ہے۔تفصیلات مطابق انہوں نے حکیم آباد میں جاری دھرنے میں ذرائع ابلاغ سے بات چیت کرتے ہوئے کہا کہ ہم قبائلی لوگ ہیں اور ہم نے اپنی طاقت کراچی سے چترال تک دکھا دی ہے۔ ان کا کہنا تھا کہ ثابت کردیا ہے کہ ہم پورا پاکستان بند کرنے کی صلاحیت رکھتے ہیں۔امیر جے یو آئی (ف) نے کہا کہ گزشتہ سال نومبر سے شروع ہونے والے ملین مارچ میں ڈیڑھ کروڑ لوگوں نے ہمارے ساتھ سفر کیا۔ انہوں نے کہا کہ حکومت کی چولیں و جڑیں ہل چکی ہیں اب بس ایک اور جھٹکا دینے کی ضرورت ہے۔شرکائے دھرنا کو مخاطب کرتے ہوئے انہوں نے کہا کہ جہاں جہاں بھی دھرنے جاری ہیں وہاں رات کے وقت دھرنے نہ دیے جائیں کیونکہ ایک جانب سردی ہوتی ہے اور دوسرے عوام کو سہولت دینا بھی مقصود ہے۔ انہوں نے دھرنا مظاہرین سے کہا کہ دھرنوں کا سلسلہ صبح سے شام تک جاری رکھے جائیں۔مولانا فضل الرحمان نے کہا کہ ہم پرامن طریقے سے عوامی طاقت کے ذریعے موجودہ حکومت کا خاتمہ چاہتے ہیں۔ انہوں نے واضح کیا کہ دھرنے مزید کئی دنوں تک جاری رہیں گے۔ذرائع ابلاغ سے بات چیت میں امیر جے یو آئی (ف) نے کہا کہ آئندہ چند دنوں کے بعد شہروں کے اندر دھرنے دیے جائیں گے۔ ان کا کہنا تھا کہ دن بدن مہنگائی بڑھتی جارہی ہے لیکن حکومتی وزرا کلیتا بے خبر ہیں۔حکومت کو کڑی نکتہ چینی کا نشانہ بناتے ہوئے انہوں نے کہا کہ ٹماٹر 400 روپے فی کلو فروخت ہورہے ہیں مگر پی ٹی آئی کے وزیر کا کہنا ہے کہ ٹماٹر 17 روپے فی کلو میں بک رہے ہیں۔ مولانا فضل لرحمان نے کہا ہے کہ ملک کی بڑی شاہراہوں کو بندکردیا گیاہے ، کارکن رات کودھرنا نہ دیں ، مجھے پتہ ہے کہ سڑکیں بند ہونے سے عوام کی مشکلات میں اضافہ ہوتاہے ۔نوشہرہ میں دھرنا سے خطاب کرتے ہوئے مولانا فضل الرحمان نے کہاکہ ملک کی مین شاہراہوں کوبند کردیا گیا ہے ۔ ہم نے یوم سیاہ منا کر کشمیریوں سے اظہار یکجہتی کیاہے ۔ حکومتی دیوار گرچکی اور اب آخری جھٹکا دینا باقی ہے ۔ انہوں نے کہا کہ کوئٹہ اور چمن کے راستے بندہیں، اسلام آباد کوآنیوالے راستے بھی بند ہیں ۔شاہراہ قراقرم اور شاہراہ سوات بند ہے ، ہم پور ا پاکستان بند کرسکتے ہیں۔انہوں نے کہا کہ ہم پر امن طریقے سے تبدیلی چاہتے ہیں اور ناجائز حکومت کوچلتا کرناچاہتے ہیں۔انہوں نے کہا کہ جب بھی راستے میں بڑا پتھر پڑا ہوا ہوتو لوگوں کو مشقت اٹھانا پڑتی ہے اور اس وقت بڑا پتھر حکومت ہے، ناجائز حکومت کوہم نے ہٹاناہے ، ہم ملک کو لیبیا، شام یا افغانستان نہیں بناناچاہتے۔مولانا فضل الرحمان کا کہنا تھا کہ حکومت کے درخت کی جڑیں کاٹ دی گئی ہیں، گرتی ہوئی دیوار کوایک دھکا اور دینا ہے ۔ انہوں نے کا رکنوں کومخاطب کرتے ہوئے کہا کہ 24گھنٹے میں آپ کی دعوت پر پورا پاکستان بند ہوگیا ہے ، دھرنا کے شرکاسے گزارش ہے کہ دھرنادن میں جاری رکھیں ، رات میں دھرناجاری نہ رکھیں جب سڑکیں بند ہوں تو عوام کی مشکلات بڑھ جاتی ہیں۔چاروں صوبوں میں جہاں جہاں لوگ بیٹھے ہیں راستے کھول دیں ، صبح پھر بیٹھ جائیں۔
