±قصور(جاویدملک سے)موجودہ حکومت کے بیرونی اور اندرونی قرضہ جات کے تیزرفتار حصول کی وجہ سے آج ہر پاکستانی دو لاکھ روپے کا مقروض ہوچکا ہے ماہرین معیشت کی طرف سے جاری کردہ ایک رپورٹ کے مطابق جب 2008 ئ میں اکستان پیپلزپارٹی نے حکومت سنبھالی تو ہر پاکستانی چھتیس ہزار روپے کا مقروض تھا اور 2013ئ میں جب پیپلزپارٹی کی حکومت کا خاتمہ ہوا ہر پاکستان 88ہزار روپے کا مقروض ہوچکا تھا 2013 ئ میں مسلم لیگ ن نے حکومت سنبھالی اور 2018 ئ تک ہر پاکستانی 88ہزار روپے کی جگہ 1 لاکھ 44 ہزار روپے کا قرض دار ہوچکا تھا گویا مسلم لیگ ن کے پانچ سالہ اقتدارکے دور میں ہر پاکستان کے فی کس قرضہ میں چھپن ہزار روپے مزید کا مقروض ہوگیا 2018ئ میں پاکستان تحریک انصاف نے حکومت سنبھالی اور 2019ئ کے آخر تک ہر پاکستانی دو لاکھ روپے کا مقروض ہوچکا تھا ماہرین معیشت کے مطابق پاکستان تحریک انصاف کے دور اقتدار میں غذا کی قیمتوںمیں 25.4 فیصد اضافہ ہوا سابق وزیر خزانہ حفیظ پاشا کے مطابق گزشتہ ڈیڑھ سال کے دوران بیس لاکھ لوگ اپنا روزگار کھو چکے ہیںاور محتاط اندازے کے مطابق حالیہ سال میں مزید بارہ لاکھ افراد بیروزگار ہوجائیںگے۔
