دلیرانہ فیصلوں نے آسٹریلیا کو فتحیاب بنایا، شعیب اختر

لاہور : (ویب ڈیسک) پاکستان کرکٹ ٹیم کے سابق فاسٹ بولر شعیب اختر نے آسٹریلوی ٹیم کی تعریف کرتے ہوئے کہا کہ دلیرانہ فیصلوں نے آسٹریلیا کو فتحیاب بنایا۔
سوشل میڈیا پر بیان جاری کرتے ہوئے شعیب اختر نےکہا کہ ‘آسڑیلیا نے لاہور ٹیسٹ میچ کے چوتھے روز دلیری سے اننگز ڈکلیئر کی اور اسی بہادری کی وجہ سے ہی اسے کامیابی ملی’۔
انہوں نے مزید کہا کہ برصغیر میں آسٹریلیا کی یہ ایک بڑی کامیابی ہے۔
واضح رہے کہ پاکستان اور آسٹریلیا کے درمیان 3 میچز پر مشتمل ٹیسٹ سیریز گزشتہ روزکینگروز کی جیت کے ساتھ اختتام پزیر ہوئی۔
آسٹریلیا نے لاہور کے قذافی اسٹیڈیم میں کھیلے گئے آخری ٹیسٹ میچ میں پاکستان کو 115 رنز سے شکست دی۔