یوپی کے وزیراعلیٰ نے شاہ رخ کو ملک دشمن قرار دیدیا

ممبئی: (ویب ڈیسک) بھارتی ریاست اترپردیش کے ہندوانتہاپسند وزیراعلیٰ یوگی آدتیہ ناتھ نے بالی ووڈ کے میگا سٹارشاہ رخ خان کے خلاف زہراگلتے ہوئے انہیں ملک دشمن قرار دے دیا۔
اترپردیش کے مسلمان دشمن وزیراعلیٰ آدتیہ ناتھ نے بھارت کے سب سے بڑے سٹارشاہ رخ خان کیخلاف ہرزہ سرائی کرتے ہوئے کہا کہ ہندو اگرشاہ رخ خان کی فلموں کا بائیکاٹ کردیں تو وہ عام مسلمان کی طرح سڑکوں پر خوار ہوتے پھریں گے۔
یوپی کے وزیراعلیٰ نے مزید کہا کہ شاہ رخ خان ملک دشمن فلمیں بنا رہے ہیں اور وہ ماضی میں بھی ایسی حرکتیں کرچکے ہیں۔ یوپی کے ہندو انتہا پسند وزیراعلیٰ شاہ رخ خان کو پاکستان جانے کا مشورہ بھی دے چکے ہیں۔ ہندو انتہا پسند شاہ رخ خان کی آنے والی فلم ‘ پٹھان ’ کے بائیکاٹ کا مطالبہ کر رہے ہیں۔