کیلیفورنیا: (ویب ڈیسک) میسیجنگ پلیٹ فارم سِگنل ایک نئے فیچر کی آزمائش کر رہا ہے جو انسٹاگرام اور دیگر سوشل میڈیا ایپلی کیشنز کے اسٹوریز فیچرز سے انتہائی مشابہت رکھتا ہے، نئے فیچر کے تحت صارفین ویڈیو، تصاویر اور ٹیکسٹ میسج شیئر کرسکیں گے جو 24 گھنٹے بعد غائب ہو جائیں گے۔
میڈیا رپورٹس کے مطابق سِگنل کا کہنا تھا کہ ایپ کا نیا فیچر بِیٹا آزمائش کے لئے تیار ہے اور اس میں آنے والا کونٹینٹ اینڈ ٹو اینڈ اِنکریپٹڈ ہوگا، یہ فیچر صارفین کو ان کی پرائیویسی پر سمجھوتہ کئے بغیر رابطے کا ایک نیا راستہ دے گا۔
سِگنل کی جانب سے یہ اعلان سِگنل فورمز پر ایک پوسٹ پر کیا گیا جس میں واضح کیا گیا کہ وہ لوگ جو اسٹوریز میں دلچسپی نہیں رکھتے وہ اس فیچر کو مکمل طور پر غیر فعال کرسکتے ہیں، ایسا کرنا نہ صرف ان کو خود اسٹوریز لگانے سے روکے گا بلکہ دیگر افراد کی اسٹوریز دِکھانے سے بھی روکے گا۔
سِگنل کا نیا اسٹوریز فیچر فی الحال صرف ایپ کا بیٹا ورژن استعمال کرنے والوں کو دستیاب ہے اور صارفین کے لئے اس فیچر کا اجراء آئندہ ہفتوں میں متوقع ہے
تیزی سے مقبول ہوتا اسٹوریز کا فیچر جو فیس بک اور انسٹاگرام کا ایک اہم حصہ ہے حقیقت میں اس کی بنیاد ملٹی میڈیا انسٹنٹ میسیجنگ ایپ اسنیپ چیٹ نے رکھی تھی۔
