سبز چائے الزائمر کے مرض سے محفوظ رکھ سکتی ہے، تحقیق

ایمسٹرڈیم: (ویب ڈیسک) ایک نئی تحقیق میں بتایا گیا ہے کہ سبز چائے میں پائے جانے والے مرکبات آپ کے دماغ کو الزائمر کی بیماری سے محفوظ رکھ سکتے ہیں۔
فری ریڈیکل بائیولوجی اینڈ میڈیسن میں شائع ہونے والی اس تحقیق میں پیش کی جانے والی تفصیلات کے مطابق سبز چائے کیٹیچِنس نامی فلیونائیڈ سے بھرپور ہوتی ہے۔ پودوں میں پایا جانے والا یہ کیمیکل پودوں کو ماحولیاتی آلودگی سے بچاتا ہے۔
تحقیق کے مطابق کیمیاء اپنی حفاظتی طاقت انسانوں میں منتقل کر دیتے ہیں اور جسم میں موجود چپکنے والے ان ذخائر کو کم کرتے ہیں جو الزائمر سے تعلق رکھتے ہیں۔
کیٹیچِنس میں انسداد سوزش خصوصیات ہوتی ہیں جو ممکنہ طور پر اس کے اس مواد کو صاف کرنے کی صلاحیت کی وجہ ہوسکتی ہے۔
الزائمر کی بیماری کو دماغ کے نیورونز کے درمیان مواصلات کی کمی کے طور پر سمجھا جاتا ہے جس کے نتیجے میں دماغ کی فعالیت ختم ہوتی جاتی ہے اور خلیات کی موت واقع ہوجاتی ہے۔
اس طرح دماغ میں قدرتی طور پر بننے والے پروٹین کی غیر معمولی سطحیں یہ مواد بناتی ہیں اور خلیوں کے فعل میں مداخلت کرتی ہیں۔
یہ وہ وقت ہوتا ہے جب سبز چائے میں موجود یہ جزو اس مواد کو بننے سے روکنے کے لیے اپنی صلاحیات بروئے کار لاتا ہے۔
محققین کو معلوم ہوا کہ ریسوراٹرول، کرکیومِن، میٹ فارمِن اور سِٹیکولائن سمیت دیگر مرکبات بھی اس مواد کو بننے سے روکتے ہیں۔
ریسوراٹرول بلیو بیریز اور انگوروں میں جبکہ کرکیومِن ہلدی میں پایا جاتا ہے۔ سٹیکوالئن گوشت، انڈے اور مونگ پھلیوں میں پایا جاتا ہے۔