کراچی: گلشن اقبال 13 ڈی کےکوچنگ سینٹر میں فائرنگ، طالبعلم جاں بحق

کراچی: (ویب ڈیسک) گلشن اقبال بلاک 13 ڈی کے ایک کوچنگ سینٹر میں فائرنگ سے ایک طالب علم جاں بحق جبکہ دوسرا زخمی ہو گیا۔
پولیس حکام کے مطابق گزشتہ روز کوچنگ میں کچھ طلبہ کا جھگڑا ہوا تھا جس پر انتظامیہ نے صلح کرا دی تھی، آج ایک نوجوان اپنے ساتھ لڑکوں کو لایا اور فائرنگ کر دی، زخمی کو فوری طور پر ہسپتال روانہ کیا گیا جہاں علاج کے دوران چل بسا۔
پولیس نے نوجوان کی لاش پوسٹ مارٹم کیلئے سول ہسپتال منتقل کر دی، ابتدائی تحقیقات کے مطابق ملزم بوری میں کلاشنکوف رکھ کر کوچنگ سینٹر لایا۔
فائرنگ کے واقعے میں ایک بچہ زخمی بھی ہوا، پولیس نے ملزموں کی گرفتاری کیلئے چھاپے مارنے شروع کر دیئے۔، پولیس کا کہنا ہے کہ ملزموں کو جلد گرفتار کر لیں گے۔
واضح رہے کہ زخمی اور جاں بحق طالب علم آٹھویں اورنویں جماعت کے طالب علم ہیں، ملزم کی شناخت لقمان کے نام سے ہوئی ہے۔