بھارت نے پاکستان سے ملحق سرحد پر دیسی ساخت کا اینٹی ڈورن سسٹم نصب کرنے کا فیصلہ کیا ہے۔ یہ تنصیب 6 ماہ میں کی جائے گی۔
ٹائمز آف انڈیا نے ایک رپورٹ ایک اعلیٰ سرکاری عہدیدار کے حوالے سے بتایا کہ اینٹی ڈرون سسٹم اس وقت آزمائشی مراحل سے گزر رہا ہے۔
اس حوالے سے تین آپشنز کا جائزہ لیا جارہا ہے۔ پوری مغربی سرحد پر ایک یا دو ٹیکنالوجیز پر مشتمل اینٹی ڈرون سسٹم نصب کیا جائے گا۔
بھارتی حکومت نے میانمار سے ملحق سرحد پر بھی لوگوں کی آزادانہ نقل و حرکت پر پابندی عائد کرنے کا فیصلہ کیا ہے۔ اس کا مقصد غیر قانونی تارکین وطن کی آمد پر قابو پانا اور انہیں گرفتار کرنا ہے۔
واضح رہے کہ بھارت اور میانمار کی سرحد کے درمیان 15 کلو میٹر کے علاقے میں آباد قبائلیوں کو آزادانہ نقل و حرکت کی اجازت حاصل رہی ہے۔
