میرا کی ”بلو “ میں انٹری فلم ”شور شرابا “ میں بلو کا کردار میرے فنی سفر کو نئی جہت دیگا

اسلام آباد /لاہور (ویب ڈیسک ) فلم اسٹارمیرا نے کہا ہے کہ فلم ’شورشرابا ‘ میں میرا ”بلو“ کا کردارمیرے فنی سفر کو ایک نئی سمت میں آگے لے کرجائے گا۔میرا نے کہا کہ میری پہچان پاکستان فلم انڈسٹری سے ہے اور اپنے فنی سفرکے دوران بہت سے یادگارکردارنبھائے۔ لیکن اب ’بلو‘ کا کردارشائقین کو عرصہ تک یاد رہے گا۔ یہ ایک ایسا کردارثابت ہوگا کہ جس کے بعد میرے خلاف پراپیگنڈہ کرنے والے اورلابی سسٹم کے تحت کام پانے والے بھی ایسے کرداروں کی تلاش کریں گے۔میرا نے کہا کہ فلمساز سہیل خان اوربھارتی ہدایتکارحسنین حیدرآباد والہ نے جب مجھے اس فلم کیلئے رابطہ کیاتوان کا کہنا تھا کہ ہمیں اس فلم میں کوئی سپراسٹارنہیں بلکہ ایک ایسی اداکارہ سے کام لینا ہے، جو اس کردارکوہمیشہ کیلئے امرکردے۔ بطوراداکارہ یہ کسی بھی فنکار کیلئے بہت بڑا چیلنج ہوتا ہے۔ اس لیے میں خود کوخوش قسمت سمجھتی ہوں کہ اس کردار کیلئے میراانتخاب کیا گیا۔اداکارہ نے بتایا کہ انہوں نے ڈائریکٹرکی ہدایت کے مطابق بڑی محنت اورلگن کے ساتھ اس کردارکونبھایا ہے اورمجھے امید ہے کہ جب فلم بین سینما گھروں میں اس فلم کودیکھیں گے توان کے اداس چہروں پرمسکراہٹ ہوگی۔ایک سوال کے جواب میں اداکارہ میرا نے کہا کہ موجودہ دور میں پاکستان فلم انڈسٹری ایک نئی منزل کی جانب گامزن ہے اوراچھی فلمیں پروڈیوس کی جارہی ہیں لیکن ان فلموں کو کامیابی کا وہ گریڈ نہیں مل پارہا ہے، جس کوہم سپرہٹ قراردیتے ہیں۔ یہ نوجوان فلم میکرز کیلئے ایک سوالیہ نشان بن چکا ہے۔ اس کے جواب تلاش کرنے کیلیے انھیں بہت سا کام کرنے کی ضرورت ہے۔میرا نے کہا کہ جولوگ اس سوال پرغورکرتے ہوئے آئندہ عوام کی دلچسپی کومدنظررکھتے ہوئے کہانی، میوزک اورکاسٹ پرتوجہ دینگے، وہی سپرہٹ فلمیں بنا پائیں گے۔ وگرنہ فلمیں توبنتی رہیں گی لیکن ان کی کامیابی اورمنافع بخش کاروبار کاتناسب نہ ہونے کے برابر رہے گا۔