لندن (ویب ڈیسک ) پاکستان اور انگلینڈ کے درمیان جاری لارڈز ٹیسٹ میں میزبان ٹیم آج چوتھے روز کے کھیل کے لیے میدان میں اترے گی۔میزبان انگلش ٹیم لارڈز ٹیسٹ کی دوسری اننگز میں 6 وکٹوں کے نقصان پر 235 رنز بناچکی ہے جس کے بعد اسے قومی ٹیم پر 56 رنز کی سبقت حاصل ہوگئی۔ گرین کیپس نے اس سے قبل اپنی پہلی اننگز میں 363 رنز بنائے تھے جبکہ انگلش ٹیم پہلے کھیلتے ہوئے صرف 184 رنز پر ڈھیر ہوگئی تھی۔دوسری اننگز میں شاندار بیٹںگ کا مظاہرہ کرنے والے جوس بٹلر 66 اور ڈومینک بیس 55 رنز کے ساتھ کریز پر موجود ہیں جو کھیل کے چوتھے روز کا آغاز کریں گے۔اس سے قبل انگلش ٹیم کے 6 کھلاڑی دوسری اننگز میں صرف 110 رنز بنانے کے بعد پویلین لوٹ گئے تھے جس کے بعد جوس بٹلر اور ڈومینک بیس نے بیٹنگ کو سنبھالا اور ساتویں وکٹ پر 125 رنز کی شراکت قائم کی۔ پاکستان کی جانب سے محمد عامر، محمد عباس اور شاداب خان نے 2،2 کھلاڑیوں کو پویلین کی راہ دکھائی۔
لارڈزٹیسٹ: انگلش ٹیم آج 235 رنز سے چوتھے روز کے کھیل کا آغاز کریگی
