نواب آف کالا باغ کا عمران خان کیخلاف الیکشن لڑنے کا اعلان

کالاباغ (ویب ڈیسک) نواب آف کالاباغ ملک وحید خان نے تحریک انصاف کے سربراہ عمران خان کے مقابلہ میں الیکشن لڑنے کا اعلان کردیا ہے۔ ملک وحید خان نے حلقہ این اے 71(موجودہ این اے 95)میں 2013ءمیں عمران خان کی چھوڑی ہوئی نشست پر ضمنی الیکشن لڑا تھاتاہم جیت نہ سکے تھے۔اس کے بعد لگاتار ملک وحید خان تحریک انصاف کے جلسوں دھرنوں اور ریلیوں میں بھر پور طریقے سے شرکت کرتے رہے اور کروڑوں روپے خرچ کئے۔ان کے ساتھ 2013کے الیکشن میں عائلہ ملک نے بھی بھر پور طریقے سے الیکشن مہم میں حصہ لیا اور میانوالی سے تحریک انصاف نے چار سیٹیں حاصل کر لیں۔اب تحریک انصاف حلقہ پی پی 86کا ٹکٹ نہ ملنے پر نواب ملک وحید خان نے عمران خان کے مقابلہ میں این اے 95جبکہ پی پی 85میں تحریک انصاف کے امیدوار عبدالرحمان خان المعروف ببلی خان جبکہ ملک وحید کے بیٹے ملک امیر نے حلقہ پی پی 86میں تحریک انصاف کے ٹکٹ ہولڈر امین ا? خان کے مقابلے میں الیکشن لڑنے کا اعلان کر دیا ہے۔ حلقہ این اے 95میں اس وقت تحریک انصاف کے سربراہ عمران خان ، سابق ایم این اے ن لیگ عبید ا? خاں شادی خیل ، نواب ملک وحید خان اور دیگر امیدوار مد مقابل ہوں گے۔