جکارتہ (خصوصی رپورٹ) انڈونیشیا میں خواجہ سراﺅں اور ہم جنس پرستوں نے صنفی اقلیتوں سے نفرت کے خلاف ایک خواجہ سرا کی تاج پوشی کی ہے۔ اس حوالے سے ایک تقریب کا انعقاد خفیہ طریقے سے کیا گیا تھا۔ اس تقریب کی اطلاع صرف منتخب صحافیوں کو دی گئی تھی اور چند گھنٹے قبل ہی انہیں جگہ کا بتایا گیا تھا کیونکہ انہیں شدت پسندوں کا خوف تھا۔ اس موقع پر 28 سالہ قائنابھ تاپائی کو جن کا تعلق جکارتہ سے تھا فاتح قرار دے کر ”مس“ وار یا انڈونیشیا 2016ءقرار دیا گیا اور ان کی تاج پوشی کی گئی۔ اس مقابلے میں 30 سے زائد خواجہ سراﺅں نے حصہ لیا۔ اب وہ اگلے سال تھائی لینڈ میں ہونے والے بین الاقوامی خواجہ سراﺅں کے مقابلہ حسن میں حصہ لیں گی۔
